Әјани вәсаитләр инсанын диггәтини ҹәлб едир вә она мөвзуну баша дүшмәјә вә өјрәндијини јадда сахламаға көмәк едир. Даһи Нәсиһәтчимиз Јеһова Аллаһ ваҹиб мәгамлары баша салмаг үчүн әјани вәсаитләрдән истифадә едирди (Јр 15:5; Әр 18:1—6). Бөјүк Мүәллим олан Иса Мәсиһ дә тәлим верәркән онларсыз өтүшмүрдү (Мт 18:2—6; 22:19—21). Сон илләр сәмәрәли сурәтдә истифадә етдијимиз әјани вәсаитләрин бир нөвү дә видеолардыр. Дәрс кечәркән видеолардан истифадә едирсиниз?

«Илаһи мүждә» брошүрүндән дәрс кечәркән истифадә етмәк үчүн он видео һазырланыб. Үмумиликдә, һәр видеонун ады брошүрдә галын шрифтлә јазылмыш суаллардан биринә мүвафигдир. Брошүрүн сајтда јерләшән рәгәмсал версијасында видеолары ҝөстәрмәји јаддашлыг едән линкләр јерләшдирилиб. Бундан башга, диҝәр тәлим вәсаитләри үчүн дә көмәкчи видеолар вар.

Ола билсин, дәрс кечдијиниз адам һансыса мөвзуну баша дүшмәјә чәтинлик чәкир. Јахуд да мүәјјән бир сынагла үзләшиб. jw.org® сајтындакы вә JW телевизијасындакы видеолардан онун тәләбатына ујғун олан видеону сечин. Сонра һәмин видеоја онунла бирликдә бахыб мүзакирә едә биләрсиниз.

Һәр ај јени-јени видеолар чыхыр. Бу видеолара баханда дәрс кечәркән онлардан неҹә истифадә едәҹәјиниз барәдә дүшүнүн.