НӘ ҮЧҮН ВАҸИБДИР? Ҝөздән әлил адамларын чоху јадларла данышмаға мејилли олмур. Буна ҝөрә дә онлара шаһидлик етмәк үчүн әсл баҹарыг тәләб олунур. Јеһова нәвазишлә корларын гајғысына галыр (Лв 19:14). Биз Јеһовадан нүмунә ҝөтүрәрәк корлара руһани ҹәһәтдән көмәк етмәјә чалышмалыјыг.

НЕҸӘ ЕТМӘЛИ?

• Ҝөздән әлил инсанлары «ахтарын» (Мт 10:11). Бәлкә, танышларыныздан киминсә аилә үзвү ҝөздән әлилдир. Әразиниздә ҝөздән әлилләр үчүн мәктәбләр, интернатлар, јахуд башга тәшкилатлар вар? Бәлкә, онлар ҝөздән әлилләр үчүн нәзәрдә тутулан нәшрләри истәјәр?

• Мараг ҝөстәрин. Кор инсанла достјана данышанда, она сәмими мараг ҝөстәрәндә, о өзүнү раһат һисс едир. Сөһбәтә јерли әразидә мараглы олан мөвзудан башлајын.

• Руһани ҹәһәтдән көмәк ҝөстәрин. Ҝөздән әлил инсанлара көмәк етмәк үчүн тәшкилат мүхтәлиф форматларда нәшрләр чап едир. Инсандан һансы форматла өјрәнмәјә үстүнлүк вердијини сорушун. Хидмәт нәзарәтчиси әдәбијјатлара бахан гардашын ҝөздән әлил инсанын истәдији форматда нәшри сифариш едиб-етмәдијини јохламалыдыр.