Гејри-камил олдуғумуз үчүн ҝәрәк һәмишә нәфсимизә һаким олаг. Әҝәр үрәјимиз истәјән һәр шеји етсәк, Јеһованын рәғбәтини итирәҹәјик. Мәсәлән, кимләрсә јемәји, ҝејими, ев-ешији Аллаһдан чох севир. Диҝәрләри еһтирасларыны тәмин етмәк хатиринә Аллаһын ганунларыны позурлар (Рм 1:26, 27). Бир башгалары исә јашыдлары тәрәфиндән гәбул едилмәк, бәјәнилмәк үчүн онларын тәсиринә ујуб ҝүнаһ едирләр (Чх 23:2).

Нәфсимизә неҹә һаким ола биләрик? Вар ҝүҹүмүзлә диггәтимизи руһани ишләрә ҹәмләмәлијик (Мт 4:4). Һәмчинин нәфслә мүбаризәдә Јеһовадан көмәк истәмәлијик, чүнки О нәјин хејримизә олдуғуну вә дүзҝүн арзуларымызы неҹә һәјата кечирәҹәјини билир (Зб 145:16).

«ГОЈ САҒЛАМЛЫҒЫН ТҮСТҮ ИЛӘ СОВРУЛМАСЫН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Нәјә ҝөрә бәзи инсанлар сигарет чәкир?

• Сигаретин һансы зәрәрләри вар?

• Нәјә ҝөрә истәр ади сигарети, истәрсә дә електрон сигарети чәкмәк дүзҝүн дејил? (2Кр 7:1)

• Сигарет чәкмәк тәклифинә неҹә јох дејә биләрсиниз вә ја ону неҹә тәрҝидә биләрсиниз?