Мүгәддәс Китабын аудиосу нәдир? Бу, «Јени Дүнја Тәрҹүмәси»нин јенидән ишләнмиш версијасынын аудио форматыдыр. Бу формат тәдриҹән мүмкүн гәдәр чох дилдә чыхаҹаг. Бу аудиојазынын үстүнлүкләриндән бири одур ки, китабдакы һәр персонаж үчүн фәргли сәс истифадә олунур. Мүгәддәс Китабдакы хәбәри дәгиг чатдырмаг үчүн ајәләр дүзҝүн интонасија илә вә һиссләрлә охунур.

Мүгәддәс Китабын аудиосунун һансы фајдалары вар? Мүгәддәс Китаб бу аудиојазылара мүнтәзәм гулаг асанлар үчүн даһа да ҹанлы олуб. Онларын фикринҹә, һәр персонажы фәргли адамын сәсләндирмәси сајәсиндә һадисәләри тәсәввүрләриндә ҹанландыра билирләр вә јазыланлары даһа ајдын баша дүшүрләр (Мс 4:5). Һәмчинин бир чохлары дејир ки, бу аудиолара гулаг асмаг онлары нараһат вахтларында овудур (Зб 94:19).

Аллаһын Кәламыны динләмәк һәјатымыза ҝүҹлү тәсир едә биләр (2См 34:19—21). Әҝәр Мүгәддәс Китабын аудиојазысы бүтөв вә ја гисмән сизин баша дүшдүјүнүз дилдә варса, чалышын вахт ајырыб мүнтәзәм гулаг асасыныз.

«МҮГӘДДӘС КИТАБЫН АУДИОСУНУН ҺАЗЫРЛАНМАСЫ. ФРАГМЕНТ» АДЛЫ ВИДЕОЈА БАХАНДАН СОНРА СУАЛА ҸАВАБ ВЕРИН:

Мүгәддәс Китабын аудиосунун һазырланмасында сизә һансы мәгам тәсир етди?