«Тәлимләр» китабы садә дилдә јазылыб. Китабын сонунда јерләшән «Әлавәләр» бөлмәсиндә фәсилләрдә раст ҝәлинән термин вә ифадәләр ајдын шәкилдә изаһ олунур. Һәр фәслин сонунда мәтндәки фикирләрин гыса иҹмалы ҝәтирилир. «Тәлимләр» китабыны һәр вахт пајламаг олар, һәтта ҹари ајда пајланаҹаг нәшрләрин сијаһысына дахил олмајанда белә. Бу китабдан неҹә истифадә едә биләрик?

«ӘСАС ФИКИРЛӘР». Дәрси һәмишәки кими — һәр абзасы охујуб суал вермәклә кечә биләрик. Амма әҝәр шаҝирд дили јахшы баша дүшмүр вә ја јахшы охуја билмирсә, она «Әсас фикирләр» бөлмәсини кечмәк олар. Фәсли исә дејә биләрик ки, шаҝирд өзү евдә охусун. «Әсас фикирләр» бөлмәсиндәки һәр бәндә 15 дәгигә ајырмаг кифајәт едәр. Бу бөлмәјә фәсилдәки бүтүн тәфәррүатлар дахил олмадығы үчүн мүәллим јахшыҹа һазырлашмалы вә бу заман шаҝирдә лазым олан мәлуматы мүәјјән етмәлидир. Әҝәр фәслин өзү кечириләҹәксә, онда «Әсас фикирләр» бөлмәсини фәсли тәкрарламаг үчүн истифадә етмәк олар.

«ӘЛАВӘЛӘР». «Әлавәләр» бөлмәсиндәки термин вә ифадәләр китабдакы ардыҹыллыгла јазылыб. Мүәллим «Әлавәләр»дәки мәлуматы дәрс заманы шаҝирдлә мүзакирә едиб-етмәјәҹәјинә өзү гәрар верир.