Тезликлә Јеһованын сәбри түкәнәҹәк. Јалан динләр мәһв едиләҹәк, халглар бирлији Аллаһын халгына һүҹум едәҹәк вә Јеһова шәр инсанлары Армаҝеддонда мәһв едәҹәк. Мәсиһиләр бу мүһүм һадисәләри сәбирсизликлә ҝөзләјирләр.

Сөзсүз ки, биз бөјүк мүсибәтлә бағлы бүтүн хырдалыглары билмирик. Мәсәлән, о нә вахт башлајаҹаг? Сијаси гүввәләр нәји сәбәб ҝәтирәрәк динләрә һүҹум едәҹәк? Халгларын Аллаһын халгына һүҹуму нә гәдәр сүрәҹәк вә бу һүҹум заманы нәләр олаҹаг? Јеһова шәр инсанлары Армаҝеддонда неҹә мәһв едәҹәк?

Буна бахмајараг, Мүгәддәс Китабда ҝәләҹәк һадисәләр барәдә кифајәт гәдәр мәлумат јазылыб. Бу мәлуматын сајәсиндә биз горхмуруг, ҝәләҹәјә инамла бахырыг. Мәсәлән, биз билирик ки, ахырзаманын сонунда јашајырыг (2Тм 3:1). Динләрә едилән һүҹум «гысалдылаҹаг» ки, һәгиги дин дә мәһв едилмәсин (Мт 24:22). Јеһова халгыны хилас едәҹәк (2Бт 2:9). Һәмчинин Јеһованын шәр инсанлары мәһв етмәк вә бөјүк издиһамы Армаҝеддонда хилас етмәк үчүн сечдији шәхс адил вә гүдрәтлидир (Вһ 19:11, 15, 16).

Ҝәләҹәкдә бу һадисәләр баш верәндә инсанлар горхудан һушуну итирәҹәк. Амма биз Јеһованын кечмишдә халгыны неҹә хилас етдији барәдә, ҝәләҹәклә бағлы јаздырдығы мәлуматлар барәдә индидән охујуб дүшүнсәк, о заман гамәтимизи дүзәлдиб башымызы дикәлдәҹәјик. Чүнки гуртулушумузун јахын олдуғуна әмин олаҹағыг (Лк 21:26, 28).