Сизҹә, достда һансы хүсусијјәтләр олмалыдыр? Јәгин ки сәдагәт, хејирхаһлыг вә сәхавәт кими хүсусијјәтләрә үстүнлүк верирсиниз. Јеһовада бу хүсусијјәтләрин һамысы вар (Чх 34:6; Һв 14:17). Сиз дуа едәндә О гулаг асыр. Дара дүшәндә көмәк едир (Зб 18:19, 35). Сәһвләринизи бағышлајыр (1Јһ 1:9). Јеһова чох ҝөзәл Достдур!

Бәс сиз Јеһова илә неҹә дост ола биләрсиниз? Кәламыны охујуб, Онун һаггында өјрәнин. Ән мәһрәм һиссләринизи Онунла бөлүшүн (Зб 62:8; 142:2). Әмәлләринизлә ҝөстәрин ки, Јеһова үчүн дәјәрли, өнәмли олан һәр бир шеј, јәни Онун Оғлу, Падшаһлығы вә ҝәләҹәклә бағлы вәдләри сизин үчүн дә дәјәрлидир. Онун һаггында башгаларына данышын (Гн 32:3). Әҝәр сиз Јеһоваја сөзүн әсл мәнасында дост олсаныз, О, әбәдијјән сизин Достунуз олаҹаг! (Зб 73:25, 26, 28).

«ҜӘНҸЛӘР, “ДАДЫН, ҜӨРҮН НЕҸӘ ҜӨЗӘЛДИР ЈЕҺОВА”» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Вәфтиз олунмаға неҹә һазырлаша биләрсиниз?

• Баҹы-гардашлар Јеһоваја хидмәт етмәјә сизә неҹә көмәк едә биләр?

• Хидмәт сизин Јеһова илә мүнасибәтләринизи неҹә мөһкәмләндирә биләр?

• Гаршынызда хидмәт үчүн һансы имканлар вар?

• Јеһованын һансы хүсусијјәтләрини севирсиниз?