Нојабр ајында хүсуси бир кампанија олаҹаг. Ҝөзәл дүнјанын јахын олдуғу барәдә мүждәни һәр кәсә чатдырмаға чалышаҹағыг (Зб 37:10, 11; Вһ 21:3—5). Ишләринизи елә гурун ки, бу кампанијада там иштирак едә биләсиниз. Һәмин ај көмәкчи өнҹүлләр 30 вә ја 50 саатлыг норма илә хидмәт едә биләрләр.

Чалышын мүмкүн гәдәр чох инсана јени дүнја илә бағлы ајә охујасыныз. Ајә сечәркән әразиниздәки инсанларын мараг даирәсини нәзәрә алын. Кимсә илк сөһбәтдә мараг ҝөстәрәрсә, она «Ҝөзәтчи гүлләси» № 2, 2021 журналыны верин. Сонра исә гыса вахт әрзиндә онунла јенидән әлагә сахлајын вә «Әбәди хошбәхт һәјат!» брошүрү илә Мүгәддәс Китаб дәрсинә башламаға чалышын. Бу ҝөзәл хәбәри һамыја мүждәләмәк бөјүк хошбәхтликдир (Әш 52:7).

«ЈЕНИ ДҮНЈА ЈАХЫН» АДЛЫ КЛИПӘ БАХАНДАН СОНРА СУАЛЛАРА ҸАВАБ ВЕРИН:

• Гызҹығаз неҹә бир һәјаты тәсәввүрүндә ҹанландырыр?

• Јени дүнја илә бағлы нәји сәбирсизликлә ҝөзләјирсиниз?

• Үмидиниз барәдә дүшүнмәк сизи нојабрда кечириләҹәк кампанијада там иштирак етмәјә неҹә һәвәсләндирә биләр? (Лк 6:45).