Мүгәддәс Китаб дәрси кечмәк үчүн дәрҹ олунан јени брошүр вә китаб бизи чох севиндирди! Даим дуа едирик ки, Јеһова ишимизи аванд етсин вә биз даһа чох шаҝирд һазырлаја биләк (Мт 28:18—20; 1Кр 3:6—9). Бу јени вәсаитләрдән неҹә истифадә етмәлијик?

«Әбәди хошбәхт һәјат!» нәшриндә јени, интерактив тәлим үсулу тәгдим олунур. Буна ҝөрә дә Мүгәддәс Китаб дәрсинә һазырлашаркән вә ја дәрс кечәркән нөвбәти ҝөстәришләрә риајәт етмәк лазымдыр *:

• Материалы охујун вә суаллары мүзакирә един

• Гаршысында «охујун» јазылмыш ајәләри охујун вә шаҝирдә онларын тәтбигини анламаға көмәк един

• Видеолары ҝөстәрин вә нәшрдәки суаллар васитәсилә мүзакирә един

• Чалышын һәр дәрси бир дәфәјә кечәсиниз

Хидмәт заманы инсанын һәгигәтлә нә дәрәҹәдә марагландығыны мүәјјән етмәк үчүн илк олараг брошүрү тәклиф един. (« Илк сөһбәт заманы “Әбәди хошбәхт һәјат!” брошүрүнү неҹә тәгдим етмәк олар?» адлы чәрчивәјә бахын.) Брошүрү кечиб гуртардыгдан сонра шаҝирд дәрсә давам етмәк истәјәрсә, онда китабы тәклиф един вә 4-ҹү дәрсдән башлајын. Әҝәр киминләсә һазырда «Тәлимләр» вә ја «Аллаһын мәһәббәтиндән ајрылмајаг» китабы илә дәрс кечирсинизсә, дәрси «Әбәди хошбәхт һәјат!» китабы илә давам етдирин вә һансы дәрсдән башлајаҹағынызы өзүнүз мүәјјән един.

«МҮГӘДДӘС КИТАБ ДӘРСИ ИЛӘ ТАНЫШЛЫГ» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Шаҝирдләр јени китабдан нә өјрәнәҹәкләр?

• Нәјә ҝөрә бу видеону јени шаҝирдләрә ҝөстәрмәк лазымдыр?

• Шаҝирдләри тәдриҹән гаршыларына һансы мәгсәдләр гојмаға вә онлара чатмаға тәшвиг етмәк лазымдыр? (« Һәр бөлмәнин мәзмуну вә мәгсәдләри» адлы ҹәдвәлә бахын.)