«Әбәди хошбәхт һәјат!» нәшриндәки видеолар вә дүшүндүрүҹү суаллар хошунуза ҝәлир? Бәс «Бәзи инсанлар дејир», «Мәгсәд» вә «Әлавә мәлумат» һиссәләри неҹә? Дәрс кечән заман бу китабын башга һансы хүсусијјәтләри сизин көмәјинизә чатыр? (Мт 28:19, 20).

Мәнбәләр. Әҝәр китабын чап версијасы илә дәрс кечирсинизсә, онда видеолар да дахил олмагла мәнбәләрин һамысыны неҹә тапа биләрсиниз? Китабын електрон форматында дөрд бөлмәдән бирини сечин. Дәрсләрин адларынын сијаһысындан сонра «Мәнбәләр» башлығы ҝәлир. Һәмин бөлмә үчүн олан бүтүн мәнбәләр орада јерләшир. (1-ҹи шәклә бахын.)

«Чап форматында». Әҝәр електрон ҹиһаз васитәсилә дәрс кечирсинизсә, онда вахташыры «Чап форматында» функсијасындан истифадә едә биләрсиниз. Сизә лазым олан дәрси ачын, сонра сәһифәнин јухарысында јерләшән аләтләр панелиндә үч нөгтәјә басыб, «Чап форматында» функсијасыны сечин. Бу формат сизә көмәк едәҹәк ки, мүзакирә етдијиниз материалын дәрсин үмуми мөвзусу илә неҹә әлагәли олдуғуну ҝөрәсиниз. Електрон формата гајытмаг истәјәндә јенидән сәһифәнин јухарысындакы үч нөгтәјә басын вә «Електрон форматда» функсијасыны сечин.

«Һазырам?» Китабын сонунда јерләшән бу чәрчивәләрдә јығынҹагла бирҝә тәблиғ етмәк вә вәфтиз олунмаг үчүн әсас тәләбләр јер алыр. (2-ҹи шәклә бахын.)

Әлавәләр. Бу һиссәдә бәзи ваҹиб мөвзуларла бағлы әтрафлы мәлумат јерләшир. Китабын електрон форматында һәр әлавәнин сонунда линк вар. Һәмин линки басанда јенидән дәрсә, галдығыныз јерә гајыдаҹагсыныз. (2-ҹи шәклә бахын.)