Мүгәддәс Китабда габагҹадан дејилмишди ки, Шејтан тәгибләр васитәсилә Аллаһа ибадәт етмәјимизә мане олмаға чалышаҹаг (Јһ 15:20; Вһ 12:17). Башга әразиләрдә тәгибләрлә үзләшән баҹы-гардашларымыза неҹә көмәк едә биләрик? Онлар үчүн дуа етмәклә. «Салеһин һәрарәтли дуасынын бөјүк тәсири вар» (Јг 5:16).

Нә һагда дуа едә биләрик? Дуада Јеһовадан хаһиш етмәк олар ки, һәмин баҹы-гардашлара ҹәсарәт версин, горхмамалары үчүн онлара дајаг олсун (Әш 41:10—13). Биз һәмчинин дөвләт нүмајәндәләри үчүн дуа едә биләрик ки, тәблиғ ишимизи иҹра етмәјә иҹазә версинләр вә биз «гулағымыз динҹ, сакит јашајаг» (1Тм 2:1, 2).

Һәвари Булус вә Бутрус һәбс едиләндә о дөврдә јашајан диндашлары шәхсән онлар үчүн дуа етмишдиләр (Һв 12:5; Рм 15:30, 31). Һәтта әҝәр тәгиб олунан диндашымызын адыны билмириксә, дуада онун хидмәт етдији јығынҹағын, өлкәнин вә ја әразинин адыны чәкә биләрик.