Һәр ҝүн һансы чәтинликләрлә үзләширсиниз? Ола билсин, аилә башчысы олараг чохлу мәсулијјәтләриниз вар. Јахуд ола билсин, өвладынызы тәк бөјүдүрсүнүз вә аиләнизи тәк доландырырсыныз. Јахуд мәктәб јолдашларыныз сизи әлә салыр. Бәлкә дә сәһһәтиниз зәифдир, јахуд јашланмысыныз вә әввәлки гәдәр тагәтиниз галмајыб. Һәр кәсин бир дәрди вар. Бәзи мәсиһиләрин исә дәрди башындан ашыр. Амма бир шеји билирик ки, бүтүн бу проблемләрдән ҹанымыз гуртараҹаг (2Кр 4:16—18).

О вахта гәдәр исә Јеһованын чәкдијимиз әзаблары баша дүшдүјүнү, сәдагәтимизи вә дөзүмүмүзү гијмәтләндирдијини, бизим үчүн бөјүк немәтләр һазырладығыны билмәкдән тәсәлли тапырыг (Әр 29:11, 12). Иса Мәсиһ дә бизә шәхсән гајғы ҝөстәрир. О бизи әмин едир ки, мәсиһи өһдәчиликләримизи иҹра едәркән бизимлә олаҹаг (Мт 28:20). Аллаһын Падшаһлығынын бәхш едәҹәји ҝәләҹәк азадлыг барәдә дајаныб дүшүнәндә үмидимиз вә буҝүнкү сынаглара дөзмәк гәтијјәтимиз мөһкәмләнир (Рм 8:19—21).

«ФЫРТЫНА ЈАХЫНЛАШЫР ҜӨЗҮНҮЗҮ ИСАДАН АЈЫРМАЈЫН! ПАДШАҺЛЫҒЫН ҜӘЛӘҸӘК ХЕЈИР-ДУАЛАРЫ» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Бәшәријјәт Аллаһдан неҹә узаг дүшдү вә бунун нәтиҹәси нә олду?

• Јеһоваја садиг галан инсанлары неҹә ҝәләҹәк ҝөзләјир?

• Бу ҝөзәл ҝәләҹәк нәјин сајәсиндә мүмкүндүр?

• Јени дүнјада һансы немәтләри алмағы сәбирсизликлә ҝөзләјирсиниз?