Биз елә бир дүнјада јашајырыг ки, писи јахшы, јахшыны пис кими гәләмә верирләр (Әш 5:20). Инсанлар Јеһованын нифрәт етдији ишләри ҝөрүрләр. Бу ишләрдән бири дә одур ки, ејниҹинсли инсанлар өз араларында налајиг һәрәкәтләрә јол верирләр. Мәктәб јолдашлары вә ја башгалары әзиз ҝәнҹләримизи өз јолларына чәкмәјә чалышаҹаг. Өвладларынызы бу кими вәзијјәтләрдән башыуҹа чыхмаға неҹә һазырлаја биләрсиниз?

Өвладларыныза Јеһованын гајда-ганунларыны ашылајын (Лв 18:3). Онлара јашларына ујғун олараг Мүгәддәс Китабда ҹинси мүнасибәтләр барәдә нә дејилдијини өјрәдин (Гн 6:7). Дүшүнүн: «Өвладларыма нәвазиш ҝөстәрмәјин дүзҝүн формаларыны, әдәбли ҝејинмәјин вә өз мәһрәм јерләрини башгаларындан горумағын ваҹиблијини баша салырам? Әҝәр кимсә онлара порнографија ҝөстәрмәк истәсә јахуд Јеһованын ҝүнаһ һесаб етдији әмәлләри ҝөрмәјә сөвг етсә онлар неҹә давранаҹагларыны билир?» Габагҹадан бунлары билсәләр бир чох бәладан узаг дура биләрләр (Мс 27:12; Вз 7:12). Ушагларынызы өјрәтмәклә Јеһованын вердији бу гијмәтли мирасы севдијинизи ҝөстәрирсиниз (Зб 127:3).

«“ЕВИНИЗИН” МӨҺКӘМ ВӘ ДАВАМЛЫ ОЛМАСЫ ҮЧҮН... УШАГЛАРЫНЫЗЫ ПИС ШЕЈЛӘРДӘН ГОРУЈУН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Нәјә ҝөрә бәзи валидејнләрә ушаглары илә ҹинси мүнасибәтләр барәдә данышмаг чәтиндир?

• Нәјә ҝөрә валидејнләр өвладларына Јеһованын тәрбијәсини вә өјүд- нәсиһәтини ашыламалыдырлар? (Еф 6:4)

• Ушагларына ҹинси тәрбијә вермәк үчүн Јеһованын тәшкилаты валидејнләри һансы вәсаитләрлә тәмин едир? (w19.05 с. 12, чәр.)

• Нәјә ҝөрә проблем јаранмаздан әввәл өвладларынызла мүнтәзәм сөһбәт етмәлисиниз?