1. Јеһова пәнаһымдыр,

Галам, ҝүвәнҹ јерим.

Горур Өз көлҝәсијлә,

Орда јува тапдым.

Садиг кәси дарда гојмаз,

Чәтин анда едәр хилас.

Јеһова истеһкамдыр,

Әзәли Гүдрәт Саһибим.

2. Садиг гал, һеч вахт горхма,

Гору иманыны.

Ҝөзүнлә ҝөрәҹәксән

Писин ҹәзасыны.

Бәла сәнә јахын ҝәлмәз,

Салеһ кәсә хәтәр дәјмәз.

Јеһова сипәриндир,

Дар ҝүндә олар дајағын.

3. Сән дүшмә тәлаша һеч,

Аллаһ атмаз сәни.

Галхантәк дәф ејләр О,

Дүшмән охларыны.

Тордан сәни хилас едәр,

Ҝеҹә-ҝүндүз гајғын чәкәр.

Јеһова пәнаһындыр,

Даим һифз ејләр О, сәни.