Мүгәддәс Китабда һәгиги динә вә јалан динә ибадәт едәнләр арасындакы фәрг белә тәсвир едилир: «Онлары бәһрәләриндән таныјаҹагсыныз. Һеч тикан колундан үзүм, гангал колундан әнҹир јығарлар?» (Мәтта 7:16). Тәбии ки, үзүмлә гангалын бәһрәсини ајырмаг олур, ејнилә, һәгиги динлә јалан дини дә онларын бәһрәләриндән вә ја сәҹијјәви хүсусијјәтләриндән танымаг олар.

1. Һәгиги дин инсан фәлсәфәсини јох, Мүгәддәс Китаба әсасланан һәгигәтләри өјрәдир (Јәһја 4:24; 17:17). Бура руһ һагда һәгигәтләр вә јерүзү ҹәннәтдә олаҹаг әбәди һәјат һагда дини һәгигәтләр дә дахилдир (Зәбур 37:29; Әшија 35:5, 6; Һизгијал 18:4). О, һәмчинин дини сахтакарлыглары ифша етмәкдән чәкинмир (Мәтта 15:9; 23:27, 28).

2. Һәгиги дин инсанлара Аллаһы танымаға көмәк едир. Онлара Аллаһын адыны — Јеһова адыны өјрәдир (Зәбур 83:18; Әшија 42:8; Јәһја 17:3, 6). О, инсанлара Аллаһын гәлиз вә ја әлчатмаз олдуғуну өјрәтмир, әксинә, Аллаһын бизим Она јахынлашмағымызы истәдијини өјрәдир (Јагуб 4:8).

3. Һәгиги диндә вурғуланыр ки, Иса Мәсиһ Аллаһ тәрәфиндән ҝөндәрилән хиласкардыр (Һәвариләрин ишләри 4:10, 12). Һәгиги динин үзвләри Иса Мәсиһин әмрләринә әмәл едир вә ондан нүмунә ҝөтүрмәјә ҹан атырлар (Јәһја 13:15; 15:14).

4. Һәгиги дин Аллаһын Падшаһлығына бәшәријјәтин јеҝанә үмид јери кими бахыр. Онун үзвләри фәал шәкилдә бу Падшаһлыг һагда инсанлара данышырлар (Мәтта 10:7; 24:14).

5. Һәгиги дин инсанлары тәмәннасыз мәһәббәтә тәшвиг едир (Јәһја 13:35). Һәгиги дин бүтүн етник вә ирги груплара, мәдәнијјәтләрә, дилләрә вә милләтләрә һөрмәт етмәји өјрәдир (Һәвариләрин ишләри 10:34, 35). Мәһәббәтдән ирәли ҝәләрәк һәгиги динин үзвләри мүһарибәдә иштирак етмирләр (Микә 4:3; 1 Јәһја 3:11, 12).

6. Һәгиги диндә дин хадимләринә пул өдәнилмир вә үзвләриндән кимләрәсә јүксәк дини ад верилмир (Мәтта 23:8—12; 1 Бутрус 5:2, 3).

7. Һәгиги дин сијаси мәсәләләрдә тамамилә битәрәф мөвге тутур (Јәһја 17:16; 18:36). Анҹаг онун үзвләри Мүгәддәс Китаба ујғун давранараг, јашадыглары өлкәнин һакимијјәтинә һөрмәт вә итаәт едирләр. Онлар Мүгәддәс Китабдакы бу сөзләри әлдә рәһбәр тутурлар: «Падшаһа мәхсус шејләри падшаһа, [јерли һакимијјәтә] Аллаһа мәхсус шејләри Аллаһа верин» (Марк 12:17; Ромалылара 13:1, 2).

8. Һәгиги дин һәјат тәрзидир, ритуал дејил вә ја формал характер дашымыр. Онун үзвләри һәјатын һәр саһәсиндә Мүгәддәс Китабын јүксәк әхлаг нормаларына садиг галырлар (Ефеслиләрә 5:3—5; 1 Јәһја 3:18). Онлар ҹан-дәрди ибадәт етмирләр, әксинә, «хошбәхт [Аллаһа]» ибадәтдән севинҹ дујурлар (1 Тимути 1:11).

9. Һәгиги динә аз адам ибадәт едир (Мәтта 7:13, 14). Аллаһын ирадәсини јеринә јетирдикләринә ҝөрә һәгиги динин үзвләринә гаршы чох вахт гәрәзли мүнасибәт ҝөстәрилир, ришхәнд едилир вә онлар тәгиб олунурлар (Мәтта 5:10—12).

Һәгиги дин инсанларын һиссләри илә мүәјјәнләшмир

Дини һиссләрә әсасланараг сечмәк тәһлүкәлидир. Мүгәддәс Китабда габагҹадан дејилир ки, вахт ҝәләҹәк инсанлар өзләринә «гулагларына хош ҝәләни ешитмәк үчүн өз истәкләринә ујғун мүәллимләр [дин хадимләри] сечәҹәкләр» (2 Тимутијә 4:3). Әксинә, Мүгәддәс Китаб бизи тәшвиг едир ки, һәтта ҝениш јајылмыш дин олмаса белә «Атамыз Аллаһын гаршысында пак вә гүсурсуз диндарлыг»ла мәшғул олаг (Јагуб 1:27; Јәһја 15:18, 19).