Бу варианта һансы әсаслары ҝәтирмәк олар? Достларын «мама ушағы» олмадығыны ҝөрмәлидирләр. Һесаб едирсән ки, һара ҝедиб-ҝетмәмәк гәрарыны верән сәнсән (Сүлејманын мәсәлләри 14:18).

Нәтиҹәләри. Ола билсин, достларын сәнин бу һәрәкәтинә һејран олаҹаг, ја да ки, биләҹәкләр ки, сән адам алдадансан. Әҝәр валидејнләрин бундан хәбәр тутса, бир дә сәни һеч јерә бурахан дејилләр (Сүлејманын мәсәлләри 12:15).

Бу варианта һансы әсаслары ҝәтирмәк олар? Ҝөтүр-гој едәндән сонра баша дүшмүсән ки, ора ҝетсән, өз принсипләринә зидд ҝедәҹәксән. Јахуд да ора налајиг һәрәкәтләрә јол верән ушагларын ҝәләҹәјиндән хәбәрдарсан (Инҹил, 1 Коринфлиләрә 15:33; Филипилиләрә 4:8). Диҝәр тәрәфдән, јенә дә ҝетмәк арзусундасан, амма буну валидејнләринә демәјә тәрәддүд едирсән.

Нәтиҹәләри. Әҝәр чағырылдығын јерә ҝетмәјин пис фикир олдуғуну һесаб едирсәнсә, онда достларына «јох» демәјә сәнин үчүн чәтин олмајаҹаг. Амма әҝәр валидејнләриндән иҹазә алмаға ҹәсарәт етмәдијинә ҝөрә ҝетмирсәнсә, онда евдә отураҹагсан вә ганын гара олаҹаг.

Бу варианта һансы әсаслары ҝәтирмәк олар? Атанла ананын фикринә һөрмәт едирсән вә баша дүшүрсән ки, онлара гулаг асмалысан (Инҹил, Колослулара 3:20). Сән онлары чох истәјирсән вә ҝизлинҹә ҝетмәклә онлары кәдәрләндирмәк истәмирсән (Сүлејманын мәсәлләри 10:1). Һәмдә бунун сајәсиндә онлара өз фикрини билдирә биләрсән.

Нәтиҹәләри. Валидејнләрин ҝөрәҹәк ки, сәни онлары севирсән вә һөрмәтини сахлајырсан. Әҝәр ҝәтирдијин әсаслар ағлабатан олса, сәни бурахаҹаглар.

Белә бир нүмунә: әҝәр сечимин олсајды, һансы чимәрлијә үстүнлүк верәрдин — хиласедиҹи олан, јохса олмајан? Јәгин ҹаваб ајдындыр, чүнки суда ојнајанда тәһлүкәни ҝөрмәк адама чәтин олур. Лакин хиласедиҹиләр мүшаһидә мәнтәгәсиндән көмәјә нә заман еһтијаҹ олдуғуну јахшы ҝөрүрләр. Ејнилә даһа чох тәҹрүбә вә билијә малик валидејнләрин ҝөрә билмәдијин тәһлүкәләри ајдын ҝөрүрләр. Саһилдәки хиласедиҹиләр кими, онлар сәнин истираһәтини корламаг нијјәтиндә дејилләр. Әксинә, һәјатыны алт-үст едәҹәк шејләрдән һифз етмәк истәјирләр.

Диҝәр сәбәб. Валидејнләрин һәр вәҹһлә сәни горумаг истәјирләр. Сәни севдикләри үчүн мүмкүн оланда «һә», олмајанда исә «јох» дејәҹәкләр. Һәр дәфә иҹазә истәјәндә онлар сәни бурахыб-бурахмајаҹагларыны вә нәтиҹә илә гатлаша билиб-билмәјәҹәкләрини өзләриндә биринҹи ҝөтүр-гој едирләр. Әҝәр сәнинлә һеч бир пис шејин баш вермәјәҹәјинә әмин олсалар, онлар әввәлҹә өзләринә, сонра исә сәнә «һә» дејәҹәкләр.

Бунлар сәнә көмәк едә биләр:

Дүрүстлүк. Өзүндән соруш: «Мән ора нәјә ҝөрә ҝетмәк истәјирәм? Садәҹә олараг вахтымы хош кечирмәк истәјирәм, јохса башгаларындан фәргләнмәјә горхурам? Бәлкә, ора хошума ҝәлән бир нәфәр ҝәләҹәк?» Валидејнләринлә дә дүрүст ол. Онлар да нә вахтса сәнин јашында олублар вә сәни чох јашы таныјырлар. Буна ҝөрә дә онлар, ола билсин, әслиндә нә истәдијини јахшы баша дүшәҹәкләр. Ачыг олмағын онларын хошуна ҝәләҹәк. Сән дә өз нөвбәндә валидејнләринин билик вә тәҹрүбәләриндән јарарлана биләҹәксән (Сүлејманын мәсәлләри 7:1, 2). Анҹаг алдатмаға чалышсан, онларын етибарыны итирәҹәк вә һеч јерә ҝетмәјәҹәксән.

Дүзҝүн мәгам. Атанла анан ишдән јорғун ҝәләндә вә ја һәр һансы ишә башлары гарышанда иҹазә алмағын јери јохдур. Башга вахт сеч. Диҝәр тәрәфдән, сон ана гәдәр ҝөзләјиб сәнә һәмән ҹаваб вермәләри үчүн онлара тәзјиг ҝөстәрмәјә чалышма. Чох еһтимал ки, онлар тез-тәләсик гәрар верән дејилләр. Фикирләшмәјә вахтлары олсун дејә, истәјини әввәлҹәдән билдир.

Конкретлик. Нә илә мәшғул олаҹағыны конкрет де. Онлара «вариант ҝәлмә»! «Билмирәм» ҹавабы онлары гане едән дејил, әләлхүсус да әҝәр ора кимләрин ҝәләҹәјини, бөјүкләр нәзарәтинин олуб-олмајаҹағыны вә нә вахт гајыдаҹағыны сорушурларса.

Әһвал-руһијјә. Валидејнләри өзүнә дүшмән кәсмә. Онлара команда јолдашларын кими бах; әслиндә ҝөтүрәндә, бу, беләдир. Баша дүшсән ки, валидејнләр сәнин тәрәфиндәдирләр, «ҝүҹлә» онларын разылығын алмаг еһтијаҹ олмајаҹаг. Бәлкә, ҝәлән дәфә онлар сәнә «һә» дедиләр.