Нәјә ҝөрә инсанларда өзүнәһөрмәт галмајыб?
ӨЗҮНӘҺӨРМӘТ ҺИССИ НӘЈӘ ҜӨРӘ ВАҸИБДИР?
Өзүнәһөрмәт һисси олан инсанлар чәтинликләрлә үзләшәндә әминликлә давранырлар. Онлар асанлыгла тәслим олмурлар.
-
Тәдгигатлар ҝөстәрир ки, өзү һагда мүсбәт дүшүнҹәдә олмајан инсанлар нараһатлыг кечирмәјә, депрессијаја дүшмәјә вә јанлыш гидаланмаға мејилли олурлар. Белә инсанларын спиртли ички вә наркотик алудәчиси олмаг еһтималлары даһа чохдур.
-
Өзүнә һөрмәт едән инсанлар өзләрини башгалары илә мүгајисә етмирләр. Бу хүсусијјәт онлара башгалары илә даһа јахшы јола ҝетмәјә вә мөһкәм достлуглар гурмаға көмәк едир. Өзүнәһөрмәт һисси аз олан инсанлар исә һәр шејә тәнгиди јанашмаға мејилли олурлар вә нәтиҹәдә, башгалары илә мүнасибәтләри корланыр.
-
Өзүнәһөрмәт һисси олан инсанлар чәтинликләрлә үзләшәндә гәтијјәтли олурлар; јол вермирләр ки, уғурсузлуглар мәгсәдләринә чатмаға мане олсун. Өзүнәһөрмәт һисси аз олан инсанлар исә кичик уғурсузлуглары бөјүк манеә кими ҝөрүрләр. Буна ҝөрә дә асанлыгла тәслим олурлар.
ҺӨРМӘТ ҜӨСТӘРМӘЈӘ СИЗӘ НӘ КӨМӘК ЕДӘ БИЛӘР?
Сизә мүсбәт тәсир едән инсанларла достлуг един. Һөрмәтҹил, хејринизи дүшүнән вә сизә стимул верән инсанларла отуруб-дурун.
Башгаларына көмәк един. Сиз хејирхаһ давраныб башгалары үчүн, һабелә јахшылығынызын әвәзини верә билмәјән инсанлар үчүн нәсә етсәниз, вермәјин ҝәтирдији әсл хошбәхтлији дујаҹагсыныз. Һәтта башгалары етдијиниз хејирхаһлығы ҝөрмәсә дә, севинҹинизи итирмәјәҹәксиниз.
Өвладларыныза өзүнәһөрмәт һисси јетишдирмәјә көмәк един. Бунун бир јолу проблемләрини ҝүҹләри чатан гәдәр өзләринин һәлл етмәсинә изин вермәкдир. Бу јолла ушаглар проблемләрини һәлл етмәји өјрәнәҹәкләр. Беләҹә, артыг индидән онларын өзүнәһөрмәт һисси олаҹаг вә бөјүјәндә бу онлара бөјүк фајда ҝәтирәҹәк.
ЈЕҺОВАНЫН ШАҺИДЛӘРИ НЕҸӘ ҺӨРМӘТ ҜӨСТӘРИР?
Јеһованын Шаһидләринин ибадәт ҝөрүшләри вә Мүгәддәс Китаб дәрсләри инсанлара һәјатларында мүсбәт дәјишикликләр етмәјә, еләҹә дә өзүнәһөрмәт һиссини артырмаға көмәк едир.
ҺӘР ҺӘФТӘ КЕЧИРИЛӘН ИБАДӘТ ҜӨРҮШЛӘРИМИЗ
Һәр һәфтә кечирилән ибадәт ҝөрүшләримиздә биз Мүгәддәс Китаба әсасланан нитгләрдән зөвг дујуруг. Бу нитгләрдә тез-тез өзүнәһөрмәт һиссини артырмагдан бәһс олунур. Ҝөрүшләримиз пулсуз кечирилир. Гапыларымыз һәр кәсин үзүнә ачыгдыр. Мисал үчүн, ибадәт ҝөрүшләримиздә өјрәнәҹәксиниз ки,..
-
Аллаһ үчүн нәјә ҝөрә дәјәрлисиниз
-
һәјатын әсас амалыны неҹә тапа биләрсиниз
-
мөһкәм вә узунөмүрлү достлуглары неҹә гура биләрсиниз
Сиз һәмчинин «бир-биринин гејдинә» галан әсл достлар тапаҹагсыныз (1 Коринфлиләрә 12:25, 26).
Ибадәт ҝөрүшләримиз һагда әтрафлы өјрәнмәк үчүн jw.org сајтында «Ибадәт ҝөрүшләримиз неҹә кечирилир?» адлы видеоја бахын.
МҮГӘДДӘС КИТАБ ДӘРСЛӘРИМИЗ
Биз инсанлара «Әбәди хошбәхт һәјат!» китабы васитәсилә пулсуз Мүгәддәс Китаб дәрсләри тәклиф едирик. Бу дәрс вәсаитиндә чохлу ајәләр, мәнтигли изаһатлар, еффектив суаллар, тәсирли видеолар вә ҝөзәл шәкилләр вар. Мүгәддәс Китаб дәрсләримиз инсанлара өзүнәһөрмәт һиссинә саһиб олмаға вә һәјатларыны јахшылыға доғру дәјишмәјә көмәк едир.
Јеһованын Шаһидләринин Мүгәддәс Китаб дәрсләринин неҹә кечирилдијини ҝөрмәк үчүн jw.org сајтында «Мүгәддәс Китабы өјрәнмәк нәјә ҝөрә ваҹибдир?» адлы видеоја бахын.
You May Also Like
ОЈАНЫН!
Араныздакы һөрмәти горујун
Аиләдә һөрмәти ајда илдә бир дәфә јох, һәмишә ҝөстәрмәк лазымдыр. Һәјат јолдашыныза неҹә һөрмәт ҝөстәрә биләрсиниз?
ҺАГГЫМЫЗДА
Мүгәддәс Јазылары өјрәнмәк истәјирсиниз?
Мүгәддәс Јазылары тәмәннасыз вә сизә раһат олан мәканда өјрәнә биләрсиниз.
ҺАГГЫМЫЗДА
Јеһованын Шаһидләринин ибадәт ҝөрүшләри
Ибадәт ҝөрүшләримиз һарада, нә вахт вә неҹә кечирилир?
