Фәрди мүталиәниздән даһа чох фајда әлдә етмәк истәјәрдиниз? Нөвбәти мәсләһәтләр сизә бу саһәдә көмәк едәҹәк.

• Мүнасиб јер сечин. Мүмкүндүрсә, мүталиәнизи сәлигәли вә ишыглы јердә кечирин. Маса архасында отура, јахуд ачыг һавада раһат бир јер сечә биләрсиниз.

• Тәк ола биләҹәјиниз бир јер сечин. Иса дуа етмәк үчүн «сәһәр ертәдән» дуруб, «кимсәсиз бир јерә» ҝетмишди (Марк 1:35). Әҝәр һеч кимин олмадығы бир јер тапмаг чәтиндирсә, мүталиә едәҹәјинизи евдәкиләрә билдирин вә бу мүддәт әрзиндә сизә мане олмамаларыны хаһиш един.

• Диггәтиниз јајынмасын. Әҝәр мүталиәнизи телефондан вә ја планшетдән едирсинизсә, сизә мане олмамасы үчүн билдиришләри сәссизә алын, јахуд тәјјарә режиминә кечирин. Әҝәр мүталиә заманы ҝөрмәли олдуғунуз һансыса бир иш јадыныза дүшсә, унутмамаг үчүн гыса гејд јазын. Әҝәр диггәтинизи ҹәмләмәјә чәтинлик чәкирсинизсә, ҝәзмәк вә ја бир-ики дартынма һәрәкәти етмәк үчүн фасилә един.