«Ҝөзәтчи гүлләси»нин 2019-ҹу ил сајларына әсасланмыш суаллара ҹаваб верә биләрсиниз?

«Сәнә гаршы дүзәлдилән һеч бир силаһ кара ҝәлмәјәҹәк» вәди һансы мәнаны кәсб едир? (Әшј. 54:17).

Әмин ола биләрик ки, Јеһова бизи «залымларын нәфәси»ндән горујаҹаг (Әшј. 25:4, 5). Дүшмәнләримиз бизә сағалмаз јара вура билмәјәҹәк (w19.01 с. 6—7).

Аллаһын кәнаниләрлә вә сәдагәтсиз исраиллиләрлә рәфтары Онун әдаләтини неҹә әкс етдирир?

Аллаһ ијрәнҹ ҹинси әмәлләрлә мәшғул оланлары, гадынлара вә ушаглара гаршы амансыз даврананлары мүһакимә едирди. Амма Она итаәт едән вә бир-бири илә әдаләтлә рәфтар едәнләрин ишини аванд едирди (w19.02 с. 22—23).

Иманда олмајан шәхс дуа едән заман нә етмәлијик?

Белә вәзијјәтлә үзләшәндә суса вә һөрмәтҹил даврана биләрик. Амма «амин» демәмәли, јахуд дуа едәнләрлә бирҝә әлимизи ҝөјә ачмамалыјыг. Өзүмүз сакитҹә дуа едә биләрик (w19.03 с. 31).

Ушаг зоракылығы нә дәрәҹәдә ҹидди ҹинајәтдир?

Ушаг зоракылығы гурбана, јығынҹаға, һөкумәтә вә Аллаһа гаршы ҝүнаһдыр. Өлкәнин ганунвериҹилији тәләб едирсә, ағсаггаллар зоракылыг иддиасы һагда хәбәр вермәк барәдә гануна әмәл едирләр (w19.05 с. 9—10).

Дүшүнҹә тәрзинизи неҹә дәјишә, јахуд јениләшдирә биләрсиниз?

Ваҹиб аддымлар: Јеһоваја дуа един; өзүнүзү јохламаг үчүн дәриндән дүшүнмәјә вахт ајырын; јахшы достлар сечин (w19.06 с. 11).

Тәгибләрә индидән неҹә һазыр ола биләрик?

Биз Јеһова илә достлуг мүнасибәтләримизи мөһкәмләндирмәлијик. Бизи севдијинә вә һеч вахт тәрк етмәјәҹәјинә етибар етмәлијик. Мүгәддәс Китабы һәр ҝүн охумалы вә мүнтәзәм дуа етмәлијик. Аллаһын Падшаһлығынын немәтләр бәхш едәҹәјинә әмин олмалыјыг. Севдијимиз ајәләри вә һәмд нәғмәләрини әзбәрләмәјә чалышмалыјыг (w19.07 с. 2—4).

Аилә үзвләримизин хилас олмасы үчүн нә едә биләрик?

Анлајыш ҝөстәрмәк олдугҹа ваҹибдир, гој давранышымыз ҝөзәл шаһидлик версин, һәмчинин сәбирли вә нәзакәтли олмалыјыг (w19.08 с. 15—17).

Мәтта 11:28 ајәсинә әсасән, неҹә тәравәт алырыг?

Биз гајғыкеш нәзарәтчиләрә вә ән јахшы әмәкдашлара саһибик, һәмчинин ән јахшы иши ҝөрүрүк (w19.09 с. 23).

Јеһова фәалијјәт ҝөстәрмәјимиз үчүн гәлбимиздә арзуну неҹә ојадыр вә бизә неҹә ҝүҹ верир? (Филип. 2:13).

Кәламы охујанда вә онун үзәриндә дәриндән дүшүнәндә Аллаһ бизи гүввәтләндирир, нијјәтини һәјата кечирмәјимиз үчүн гәлбимиздә арзу ојадыр вә фәалијјәт ҝөстәрмәјимиз үчүн ҝүҹ верир. Аллаһын руһу баҹарыгларымызы инкишаф етдирмәјә көмәк едир (w19.10 с. 21).

Ҹидди гәрар гәбул етмәздән өнҹә һансы аддымлар атылмалыдыр?

Нөвбәти беш аддым: Јахшыҹа арашдырын; һикмәт диләјин; нијјәтинизи јохлајын; конкрет мәгсәдләр гојун; реалист олун (w19.11 с. 27—29).

Руһун өлмәзлији фикринин мејдана ҝәлмәси Шејтанын Һәвва илә данышдығы вахта тәсадүф едир?

Ҝөрүнүр, јох. Шејтан Һәвваја деди ки, әсла өлмәјәҹәк. Демәди ки, ҹисмән өләҹәк, амма ҝөзә ҝөрүнмәз һиссәси јашамаға давам едәҹәк. Дашгындан сонра һеч бир јалан тәлим галмамышды. Чох јәгин ки, руһун өлмәзлији тәлими Аллаһ Бабил гүлләсини тикән инсанлары јер үзүнә сәпәләмәздән әввәл мејдана ҝәлиб (w19.12 с. 15).