«Ҝөзәтчи гүлләси»нин бу ил чыхан сајларыны диггәтлә охумусунуз? Онда ҝөрүн нөвбәти суаллара ҹаваб верә биләрсиниз?

Мәсһ олунмушлара неҹә јанашмалыјыг?

Биз онлара иманларына ҝөрә дәјәр веририк, амма лүзумундан артыг диггәт ҝөстәрмирик. Биз шәхсијјәтә пәрәстиш етмирик. Онлара үмидләри илә бағлы шәхси суаллар вермирик (w20.01 с. 28—29).

Јеһованын сизә нәзәр салдығына неҹә әмин ола биләрсиниз?

Мүгәддәс Китабда дејилир ки, сиз һәлә дүнјаја ҝәлмәздән өнҹә Јеһова сизә нәзәр салмышды. Јеһова сизин дуаларынызы ешидир. О, фикирләриниздән, һиссләриниздән аҝаһдыр. Давранышыныз Јеһованы ја севиндирә, ја да кәдәрләндирә биләр (1 Салн. 28:9; Мәс. 27:11). О өзү сизи ҹәлб едиб (w20.02 с. 12).

Нә вахт данышмалыјыг вә нә вахт сусмалыјыг?

Биз Јеһова һагда севә-севә данышырыг. Киминсә јанлыш јола гәдәм гојдуғуну ҝөрәндә онунла данышырыг. Ағсаггаллар лазым ҝәләндә инсана дүзәлиш верирләр. Фәалијјәтимизин гадаға алтында олдуғу әразиләрдә тәблиғ ишинин неҹә апарылдығына даир тәфәррүатлары сорушмуруг (вә ја демирик). Мәхфи мәлуматлары һеч кимә данышмырыг (w20.03 с. 20—21).

Јуил 2-ҹи фәсилдә вә Вәһј 9-ҹу фәсилдә тәсвир олунан чәјирткәләр арасында һансы мүһүм фәргләр вар?

Јуил 2:20—29 ајәләриндә дејилир ки, Јеһова чәјирткәләри говур вә онларын вурдуғу зијаны өдәјәҹәјинә сөз верир. Јалныз бундан сонра руһуну төкүр. Бүтүн бунлар Бабилин Исраилә һүҹуму заманы вә бундан сонра јеринә јетди. Вәһј 9:1—11 ајәләриндә тәсвир олунан чәјирткәләр бизим дөврүмүздә бу шәр дүнјаја гаршы Јеһованын һөкмләрини бәјан едән мәсһ олунмуш мәсиһиләри тәмсил едир. Онларын ҹар чәкдикләри хәбәр бу дүнјаја мәхсус оланлара гәтијјән хош ҝәлмир (w20.04 с. 3—6).

Шимал падшаһы бу ҝүн кимдир?

Русија вә онун мүттәфигләри. Онларын Аллаһын халгы үзәриндә әһәмијјәтли дәрәҹәдә тәсири олуб: Јеһованын Шаһидләринә нифрәт етдикләрини ҝөстәрир вә тәблиғ ишинә гадаға гојурлар. Шимал падшаһы ҹәнуб падшаһы илә чәкишир (w20.05 с. 12—13).

Руһун бәһрәсинә јалныз Галатијалылара 5:22, 23 ајәләриндә садаланан хүсусијјәтләр дахилдир?

Хејр. Мүгәддәс руһун көмәјилә биз диҝәр ҝөзәл хүсусијјәтләри дә тәзаһүр етдиририк, мәсәлән, салеһлији (Ефес. 5:8, 9) (w20.06 с. 17).

Өзүмүз һаггында мәлуматлары Интернетдә пајлашмағын тәһлүкәләриндән бири һансыдыр?

Пајлашдығымыз шејләр елә тәәссүрат ојада биләр ки, өзүмүзлә өјүнүрүк, тәвазөкар дејилик (w20.07 с. 6).

Мүждәчиләр јахшы балыгчыдан нә өјрәнә биләр?

Јахшы балыгчы балығын чох олдуғу јердә вә вахтда балыг тутур. Лазыми ләвазиматлардан истифадә етмәји баҹарыр. Гәфил дәјишән шәраитләр гаршысында ҹәсарәтлидир. Ејни шеји биз дә хидмәтимизә тәтбиг едә биләрик (w20.09 с. 5).

Шаҝирдин Аллаһа мәһәббәтини неҹә ҝүҹләндирә биләрик?

Биз ону Мүгәддәс Китабы һәр ҝүн мүталиә етмәјә, охудугларынын дәринлијинә вармаға тәшвиг едә биләрик. Һәмчинин дуа етмәји өјрәдә биләрик (w20.11 с. 4).

«Мәсиһин сајәсиндә... һамы һәјата говушаҹаг» дејиләндә кимләр нәзәрдә тутулур? (1 Кор. 15:22).

Һәвари Булус демирди ки, һәр кәс дириләҹәк. О бу сөзләри «Аллаһын ајырдығы, Мәсиһ Иса илә вәһдәтдә олан» мәсһ олунмуш мәсиһиләрә үнванламышды (1 Кор. 1:2; 15:18) (w20.12 с. 5—6).

Мәсһ олунмушлар «бир ҝөз гырпымында, ахырынҹы кәрәнај чалынанда» дәјишдикдән сонра нә едәҹәкләр? (1 Кор. 15:51—53).

Онлар Мәсиһлә бирҝә халглара «дәмир чомагла чобанлыг едәҹәк» (Вәһј 2:26, 27) (w20.12 с. 12—13).