ТӘЛИМ МӘГАЛӘСИ 35
Јеһова тәвазөкар бәндәләрини дәјәрләндирир
«Јеһова... тәвазөкар адама нәзәр салыр» (ЗӘБ. 138:6).
НӘҒМӘ 48 Һәр ҝүн Аллаһын јолу илә јеријәк
ИҸМАЛ *
1. Јеһова тәвазөкар инсанлара неҹә јанашыр? Изаһ един.
ЈЕҺОВА тәвазөкар инсанлары севир. Инсан јалныз гәлбән тәвазөкар олдуғу һалда, Онунла ҝөзәл, сых мүнасибәтләрә саһиб ола биләр. «Тәкәббүрлү адамы исә [О] јахынына бурахмыр» (Зәб. 138:6). Һәр биримиз Јеһованы разы салмаг вә Онунла ҝөзәл мүнасибәтләр гурмаг истәјирик. Одур ки, өзүмүздә тәвазөкарлыг хүсусијјәтини јетишдирмәлијик.
2. Бу мәгаләдә нәји арашдыраҹағыг?
2 Бу мәгаләдә биз үч суалы мүзакирә едәҹәјик: 1) Тәвазөкарлыг нәдир? 2) Нә үчүн бу хүсусијјәти јетишдирмәлијик? 3) Һансы вәзијјәтләр тәвазөкарлығымызы сынаја биләр? Мәгаләдән ҝөрәҹәјик ки, тәвазөкарлыг һәм Јеһованы севиндирир, һәм дә өзүмүзүн хејринәдир (Мәс. 27:11; Әшј. 48:17).
ТӘВАЗӨКАРЛЫГ НӘДИР?
3. Тәвазөкарлыг нәдир?
3 Тәвазөкарлыг «гүрурун вә тәкәббүрүн там әксидир». Тәвазөкар инсан өзү һагда јүксәк фикирдә олмајан инсандыр. Мүгәддәс Китабда дејилир ки, о, Аллаһын гаршысында нә гәдәр ҹылыз олдуғуну дәрк едир. Һәмчинин тәвазөкар инсан башгалары илә мүнасибәтләринә дүзҝүн јанашыр, о гәбул едир ки, һәр кәс һансыса саһәдә ондан үстүндүр (Филип. 2:3, 4).
4, 5. Нәјә ҝөрә демәк олар ки, әсл тәвазөкарлыг заһири хүсусијјәтләрлә өлчүлмүр?
4 Бәзи инсанлар јалныз үздән тәвазөкар ҝөрүнүр. Ола билсин, онлар хасијјәтҹә утанҹаг вә ја сакитдирләр. Јахуд онлар бөјүдүкләри мәдәнијјәтдән, алдыглары тәрбијәдән ирәли ҝәләрәк Лука 6:45).
һөрмәтҹил вә нәзакәтлидирләр. Әслиндә исә дахилән чох тәкәббүрлү инсан ола биләрләр. Амма инсанын неҹә бири олдуғу әввәл-ахыр үзә чыхыр (5 Диҝәр тәрәфдән, инсанын өзүнәинамлы, ачыгсөзлү олмасы һеч дә һәмишә онун гүрурлу олдуғундан хәбәр вермир (Јәһ. 1:46, 47). Бунунла белә, үнсијјәтҹил инсан еһтијатлы олмалыдыр ки, өз хасијјәтинә архаланмасын, јохса онда гүрур баш галдыра биләр. Утанҹаг, јахуд үнсијјәтҹил олмағымыздан асылы олмајараг, һәр биримиз дахилән тәвазөкар олмаг үчүн үзәримиздә ишләмәлијик.
Һәвари Булус өзү һагда јүксәк фикирдә дејилди (6-ҹы абзаса бахын) *
6. 1 Коринфлиләрә 15:10 ајәсинә әсасән, һәвари Булусдан нә өјрәнә биләрик?
6 Һәвари Булусун нүмунәсинә нәзәр салаг. Ајры-ајры шәһәрләрдә јени јығынҹаглар јаратмаг үчүн Јеһова ондан чох истифадә етмишди. Һәтта демәк олар ки, о, хидмәтдә Мәсиһин диҝәр һәвариләриндән даһа чох ишләр ҝөрмүшдү. Бунунла белә, Булус өзүнү диҝәр гардашлардан үстүн сајмырды. О, тәвазөкарҹасына демишди: «Мән һәвариләрин ән кичијијәм вә һәвари адланмаға лајиг дејиләм, чүнки Аллаһын јығынҹағына зүлм етмишәм» (1 Кор. 15:9). Даһа сонра о гејд етмишди ки, Јеһова илә јахшы мүнасибәти өз хүсусијјәтләри, јахуд ҝөрдүјү ишләр сајәсиндә јох, Јеһованын лүтфү сајәсиндәдир. (1 Коринфлиләрә 15:10 ајәсини охујун.) Булус Коринфлиләрә јаздығы мәктубда неҹә дә ҝөзәл тәвазөкарлыг нүмунәси гојмушду. Хүсусилә дә, јадымыза салсаг ки, һәмин јығынҹагда бәзиләри өзләринин Булусдан даһа үстүн олдугларыны сүбут етмәјә чалышырды (2 Кор. 10:10).
Карл Клејн, Рәһбәрлик Шурасында хидмәт етмиш тәвазөкар гардаш (7-ҹи абзаса бахын)
7. Мүасир дөврдә јашамыш бир мәсул гардаш тәвазөкарлыға даир неҹә өрнәк гојуб?
7 Тәвазөкарлыг саһәсиндә бизә ҝөзәл нүмунә гојмуш шәхсләрдән бири Рәһбәрлик *.
Шурасынын үзвү олмуш Карл Клејн гардашдыр. Гардаш өз биографијасында һәјатда үзләшдији чәтинликләр вә зәиф ҹәһәтләри барәдә тәвазөкарлыгла данышыр. Мисал үчүн, 1922-ҹи илдә илк дәфә иштирак етдији ев-ев тәблиғ хидмәти она о гәдәр чәтин ҝәлмишди ки, һарадаса ики ил бу хидмәтдә иштирак етмәмишди. Бундан башга, Бејтелдә хидмәт едәндә бир гардашын вердији ҹидди мәсләһәтә ҝөрә бир мүддәт она аҹыглы галмышды. Карл гардаш һәмчинин биографијасында әсәб позунтусундан әзијјәт чәкдијини, амма сонра сағалдығыны да сәмими гејд едир. Бунунла белә, гардашын чох дәјәрли тәјинатлары олуб. Белә бир мәсул гардашын өз зәифликләри барәдә данышмасы онун нә гәдәр тәвазөкар олдуғуну ҝөстәрир! Бир чох баҹы-гардашымыз Карл гардашы вә онун сәмими шәкилдә дилә ҝәтирдији һәјат һекајәсини севә-севә хатырлајырНӘ ҮЧҮН ТӘВАЗӨКАРЛЫГ ЈЕТИШДИРМӘЛИЈИК?
8. 1 Бутрус 5:6 ајәсиндән тәвазөкарлығын Јеһованы севиндирән хүсусијјәт олдуғу неҹә ҝөрүнүр?
8 Тәвазөкарлыг јетишдирмәјимизин башлыҹа сәбәби Јеһованын бу хүсусијјәти бәјәнмәсидир. Һәвари Бутрусун сөзләри буну ајдын ҝөстәрир. (1 Бутрус 5:6 ајәсини охујун.) «Мәним ардымҹа ҝәл» китабында Бутрусун сөзләринә белә бир шәрһ гејд олунуб: «Тәкәббүр зәһәр кимидир. Өлдүрүҹү тәсирә маликдир. Бу хүсусијјәт һәтта ән баҹарыглы инсаны белә, Јеһованын ҝөзүндә јарарсыз едир. Тәвазөкарлыг исә әксинә, ҹүзи баҹарығы олан инсаны белә, Јеһова үчүн дәјәрли едә биләр... [О], тәвазөкарлығыныза ҝөрә бөјүк мәмнунијјәтлә сизә мүкафат верәҹәк» *. Һәгигәтән дә, Јеһованын үрәјини севиндирмәкдән ҝөзәл нә олар биләр? (Мәс. 23:15).
9. Тәвазөкарлығымыз башгаларыны неҹә ҹәлб едир?
9 Тәвазөкарлыг Јеһованын гәлбини севиндирмәклә јанашы, бир чох саһәдә өзүмүзүн дә хејринәдир. Тәвазөкар олсаг, даһа чох инсан бизимлә дост олмаг истәјәҹәк. Сәбәбини билмәк үчүн өзүнүзү башгаларынын јеринә гојун (Мәт. 7:12). Һәмишә өз дедијини јеридән, башгаларынын фикрини гәбул етмәјән инсандан чәтин ки киминсә хошу ҝәлсин. Лакин башгаларынын «дәрдинә шәрик, гардашсевән, шәфгәтли вә тәвазөкар» баҹы-гардашларымызла отуруб-дурмаг бизә чох хошдур (1 Бут. 3:8). Тәвазөкар инсанларын әһатәсиндә олмаг бизә хош олдуғу кими, тәвазөкарыгса, башгалары да бизим әһатәмиздә олмаг истәјәҹәк.
10. Тәвазөкарлыг һәјатымызы неҹә асанлашдырыр?
Ваиз 10:7). Һәгигәтән дә, чох истедадлы шәхсләр һеч дә һәмишә лазымынҹа дәјәрләндирилмир. Јахуд о гәдәр дә баҹарығы олмајанлара бәзән даһа чох һөрмәт-иззәт ҝөстәрилир. Лакин Сүлејман падшаһ вурғуламышды ки, хошаҝәлмәз вәзијјәтләрә ҝөрә дилхор олмагданса, јахшы оларды, һәјатын реаллыглары илә барышаг (Ваиз 6:9). Тәвазөкарлыг бизә һәјаты ҝөрмәк истәдијимиз кими јох, олдуғу кими гәбул етмәјә көмәк едәҹәк.
10 Бундан әлавә, тәвазөкарлыг һәјатымызы асанлашдырыр. Бәзән һәјатда әдаләтсизлик һесаб етдијимиз һалларла үзләширик. Мүдрик Сүлејман падшаһ демишди: «Нөкәрләри ат белиндә, әсилзадәләри нөкәр кими пај-пијада ҝөрдүм» (ТӘВАЗӨКАРЛЫҒЫМЫЗЫ СЫНАЈАН ВӘЗИЈЈӘТЛӘР
Бу кими вәзијјәтләр тәвазөкарлығымызы неҹә сынаја биләр? (11 вә 12-ҹи абзаслара бахын) *
11. Верилән мәсләһәтә неҹә јанашмалыјыг?
11 Һәр ҝүн тәвазөкарлыг ҝөстәрмәк үчүн чохлу фүрсәтимиз олур. Ҝәлин бир нечә вәзијјәтә нәзәр салаг: Бизә мәсләһәт вериләндә. Јадда сахламаг лазымдыр ки, әҝәр кимсә бизә мәсләһәт вермәк гәрарына ҝәлибсә, демәли, вәзијјәт дүшүндүјүмүздән даһа ҹиддидир. Бу кими вәзијјәтләрдә илк реаксијамыз мәсләһәти гәбул етмәмәк ола биләр. Бәлкә дә, мәсләһәт верән шәхсә вә ја мәсләһәтин верилмә тәрзинә тәнгиди јанашаг. Лакин тәвазөкарыгса, дүзҝүн мүнасибәт ҝөстәрмәјә чалышаҹағыг.
12. Мәсәлләр 27:5, 6 ајәләринә әсасән, нәјә ҝөрә бизә мәсләһәт верән инсана миннәтдар олмалыјыг? Нүмунә чәкин.
12 Тәвазөкар инсан верилән мәсләһәти гијмәтләндирир. Ҝәлин буна нүмунә әсасында бахаг. Тәсәввүр един ки, ибадәт ҝөрүшүндәсиниз. Бир нечә диндашынызла сөһбәт етдикдән сонра онлардан бири сизи кәнара чәкиб дејир ки, дишиниздә нәсә галыб. Бу сизи бир аз утандырса да, јәгин ки, она миннәтдар оларсыныз. Бәлкә дә, дүшүнәҹәксиниз, каш ки, кимсә буну бир аз тез дејәрди! Ејнилә, диндашымыз өзүндә ҹәсарәт тапыб бизә еһтијаҹымыз олан мәсләһәти верәндә тәвазөкарлыг ҝөстәриб она миннәтдар олмалыјыг. Һәмин адама дүшмән кими јох, дост кими јанашмалыјыг (Мәсәлләр 27:5, 6 ајәләрини охујун; Гал. 4:16).
Нә үчүн кимәсә мәсул иш һәвалә олунанда тәвазөкарлыг ҝөстәрмәлијик? (13 вә 14-ҹү абзаслара бахын) *
13. Башгаларына мәсул иш һәвалә олунанда неҹә тәвазөкарлыг ҝөстәрә биләрик?
13 Кимәсә мәсул иш һәвалә олунанда. Ҹејсон адлы бир ағсаггал дејир: «Бәзән башгаларына һәр һансы мәсул иш һәвалә олунанда дүшүнүрәм: “Нијә мәни сечмәјибләр?”» Сизин дә бу ҹүр һиссләр кечирдијиниз анлар олуб? Әслиндә, Јеһоваја хидмәтдә даһа чох иш ҝөрмәјә «ҹан атан» инсан гәбаһәт иш тутмур (1 Тим. 3:1). Бунунла јанашы, дүзҝүн дүшүнҹә тәрзини горумаг ҝәрәкдир. Еһтијатлы олмасаг, үрәјимиздә тәкәббүр јува сала биләр. Мәсәлән, мәсиһидә белә бир дүшүнҹә јарана биләр ки, јығынҹагдакы филан иши ҝөрмәјә ән ујғун намизәд одур. Јахуд һансыса баҹы дүшүнә биләр: «Мәним һәјат јолдашым бу иши филан гардашдан даһа јахшы ҝөрәрди!» Фәгәт биз һәгигәтән тәвазөкарыгса, бу ҹүр тәкәббүрлү дүшүнҹәдән узаг дураҹағыг.
14. Муса пејғәмбәрин башгаларынын алдығы мәсулијјәтләрә мүнасибәтиндән нә өјрәнирик?
14 Муса пејғәмбәрин башгаларынын мәсулијјәт алмасына неҹә мүнасибәт ҝөстәрмәсиндән чох шеј өјрәнмәк олар. О, Исраил халгына рәһбәрлик етмәк тапшырығыны чох гијмәтләндирирди. Бәс Јеһова онун ҝөрдүјү бәзи ишләри башгаларына һәвалә едәндә пејғәмбәр неҹә давранмышды? О, пахыллыг етмәмишди (Сај. 11:24—29). Муса пејғәмбәр тәвазөкар инсан иди вә халга һакимлик етмәк ишиндә башгаларынын она көмәк етмәсинә разы олмушду (Чых. 18:13—24). Һакимлик едән шәхсләрин сајынын артмасы сајәсиндә исраиллиләрин мәсәләләринә даһа тез бахылырды. Бундан ҝөрүнүр ки, Муса пејғәмбәр башгаларынын рифаһыны дашыдығы мәсулијјәтләрдән даһа үстүн тутурду. Бизим үчүн неҹә дә ҝөзәл өрнәкдир! Унутмамалыјыг ки, Јеһова үчүн там јарарлы олмаг истәјириксә, тәвазөкарлығымыз баҹарыгларымыздан даһа үстүн олмалыдыр. Чүнки «Јеһова нә гәдәр уҹа олса да, тәвазөкар адама нәзәр салыр» (Зәб. 138:6).
15. Бир чохлары һансы јени вәзијјәтлә үзләшиб?
15 Вәзијјәт дәјишәндә. Сон бир нечә илдир ки, Јеһоваја узун мүддәт хидмәт етмиш бир чох баҹы-гардашын тәјинаты дәјишиб. Мисал үчүн, 2014-ҹү илдә вилајәт нәзарәтчиләри вә һәјат јолдашлары тамвахтлы хидмәтин башга нөвүнә тәјин олунублар. Һәмин илдән етибарән, 70 јашына чатмыш рајон нәзарәтчиләри артыг өз тәјинатларындан азад олунур. Һәмчинин 80 вә ондан јухары јашда олан гардашлар јығынҹағын ағсаггаллар шурасынын
координатору ола билмәзләр. Бундан әлавә, сон бир нечә ил әрзиндә Бејтел аиләсиндән бир чохлары саһә хидмәтинә тәјин олунуб. Хүсуси тамвахтлы хидмәтдә оланларын бәзиләри исә сәһһәтләриндәки проблемләр, аилә мәсулијјәтләри, јахуд диҝәр шәхси сәбәбләр уҹбатындан тәјинатларыны дајандырмалы олуб.16. Баҹы-гардашларымыз јени вәзијјәтә ујғунлашмагда неҹә тәвазөкарлыг ҝөстәриб?
16 Онлара бу ҹүр дәјишикликләрә ујғунлашмаг о гәдәр дә асан олмады. Тәбии ки, онлар әввәлки тәјинатларына чох бағлы олублар, әксәр һалларда онлар узун илләр бу тәјинатда севә-севә хидмәт едибләр. Бәзиләри јени шәраитләринә ујғунлашана гәдәр чох кәдәрли анлар јашадылар. Хидмәтин башга нөвләринә тәјинат алан бир чох баҹы-гардаш узун илләр хидмәт етдикләри тәјинатларынын һәсрәтини чәкирди. Јени вәзијјәтләринә өјрәшәнә гәдәр онлар чох кәдәрли анлар јашадылар. Амма вахт кечдикҹә ујғунлашдылар. Нәјин сајәсиндә? Онлара көмәк едән башлыҹа сәбәб Јеһоваја мәһәббәт иди. Онлар билирләр ки, өзләрини һәр һансыса ишә, ад-сана, тәјината јох, Јеһоваја һәср едибләр (Кол. 3:23). Истәнилән вәзијјәтдә Јеһоваја хидмәти тәвазөкарлыгла давам етмәк онлара чох хошдур. Онлар бүтүн гајғыларыны Јеһованын үзәринә гојурлар, чүнки билирләр ки, О, гајғыларыны чәкир (1 Бут. 5:6, 7).
17. Аллаһын Кәламынын тәвазөкарлыға сәсләмәси нәјә ҝөрә биздә миннәтдарлыг һисси ојадыр?
17 Нә хошдур ки, Аллаһын Кәламы бизи тәвазөкар олмаға сәсләјир. Инсанларын хошуна ҝәлән бу хүсусијјәти өзүмүздә инкишаф етдирмәк һәм бизә, һәм дә башгаларына хејир ҝәтирир. Тәвазөкар олмағын сајәсиндә һәјатда үзләшдијимиз чәтинликләрин өһдәсиндән ҝәлмәк даһа асан олур. Ән әсасы исә, бу хүсусијјәт бизи сәмави Атамыза јахынлашдырыр. Уҹа, Улу Танры Јеһованын тәвазөкар бәндәләрини севдијини, гијмәтләндирдијини билмәк неҹә дә хошдур! (Әшј. 57:15).
НӘҒМӘ 45 Гәлбимдәки дүшүнҹәләр
^ абз. 5 Тәвазөкар олмаг олдугҹа ваҹибдир. Бәс тәвазөкарлыг нәдир? Нә үчүн тәвазөкар олмағы өјрәнмәлијик? Вәзијјәтимизин дәјишмәси тәвазөкарлығымызы неҹә сынаја биләр? Мәгаләдә бу ваҹиб суаллара ҹаваб вериләҹәк.
^ абз. 7 «Ҝөзәтчи гүлләси» журналынын 1984-ҹү ил 1 октјабр сајынын (инҝ.) 21—28 сәһифәләринә баха биләрсиниз. Һәмчинин «Ҝөзәтчи гүлләси» журналынын 2001-ҹи ил 1 ијул сајынын 31-ҹи сәһифәсинә баха биләрсиниз.
^ абз. 8 Китабын 3-ҹү фәслинин 23-ҹү абзасына (рус.) бахын.
^ абз. 53 ШӘКЛИН ИЗАҺЫ. Һәвари Булус бир гардашын евиндә гонаг оларкән, кичикдән тутмуш бөјүјә гәдәр һәр кәслә тәвазөкарҹасына сөһбәт едир.
^ абз. 57 ШӘКЛИН ИЗАҺЫ. Јашлы бир гардаш өзүндән кичик гардашын Мүгәддәс Китабдан вердији мәсләһәти гәбул едир.
^ абз. 59 ШӘКЛИН ИЗАҺЫ. Јашлы гардаш ондан јашҹа кичик гардашын јығынҹагда мәсулијјәтләр дашымасына пахыллыг етмир.