ЛИВАНДА битән мөһтәшәм сидр ағаҹы һара, әјри-үјрү зејтун ағаҹы һара. Онлары бир-биринә тај тутмаг олмаз. Амма зејтун ағаҹынын гејри-ади бир өзәллији вар: о, чох дөзүмлүдүр. Бәзи зејтун ағаҹларынын 1000 јашы вар. Зејтун ағаҹы ҝөвдәси мәһв олса да, шахәләнән көкү сајәсиндә јенидән әмәлә ҝәлә биләр. Нә гәдәр ки көкү сағдыр, ағаҹ јенидән ҹүҹәрәҹәк.

Әјјуб пејғәмбәр инанырды ки, өлсә дә, јенидән јашајаҹаг (Әјј. 14:13—15). О, бир ағаҹы нүмунә чәкәрәк Аллаһын ону јенидән һәјата гајтармаға гадир олдуғуна әминлијини билдирмишди. Чох еһтимал ки, о, зејтун ағаҹындан данышырды. Пејғәмбәр демишди: «Һәтта ағаҹ үчүн үмид вар, кәсилсә, јенә ҹүҹәрәр». Ҝүҹлү јағыш сәрт гураглыға сон гојанда зејтун ағаҹынын гурумуш көтүјүндә јенидән фиданлар баш галдыра биләр вә ағаҹ «ҹаван битки кими гол-будаг атар» (Әјј. 14:7—9).

Бағбан кәсилмиш ағаҹын көкләринин јенидән ҹүҹәрмәсини сәбирсизликлә ҝөзләдији кими, Јеһова Аллаһ да һәјата ҝөзләрини јуммуш хидмәтчиләрини вә диҝәр инсанлары дирилтмәјин интизарындадыр (Мәт. 22:31, 32; Јәһ. 5:28, 29; Һәв. 24:15). Ҝөзәл һәјатда јашамаг үчүн дирилән бу инсанлары гаршыламаг неҹә дә хош олаҹаг!