Валидејнләрин нәзәринә

Өвладларыныза верә биләҹәјиниз ән јахшы һәдијјә нә ола биләр? Онлар сизин мәһәббәтинизә, өјүд-нәсиһәтинизә, мүдафиәнизә вә бу кими бир чох шејләрә мөһтаҹдырлар. Амма сизин онлара верә биләҹәјиниз ән гијмәтли һәдијјә Јеһова Аллаһ вә Онун Кәламындакы һәгигәтләр һаггында биликләрдир (Јәһја 17:3). Бу биликләр онларын балаҹа үрәкләриндә Јеһоваја мәһәббәт јетишдирә вә һәтта көрпә јашларындан Она ибадәт етмәк һәвәси ојада биләр (Матта 21:16).

Бир чох валидејнләр фикир вермишдиләр ки, гыса дәрсләр вә тапшырыглар балаҹа ушагларын даһа чох хошуна ҝәлир. Буна ҝөрә дә бөјүк мәмнунијјәтлә «Мән дә Аллаһ һагда өјрәнирәм» китабчасыны тәгдим едирик. Һәр бир дәрс елә тәртиб едилиб ки, ушагларыныза Мүгәддәс Китаб принсипләрини садә дилдә баша сала биләсиниз. Шәкилләр вә јанларындакы јазылар хүсуси олараг үч јашадәк ушаглар үчүн һазырланыб. Китабчаја әлавә тапшырыглар да дахил едилиб. «Мән дә Аллаһ һагда өјрәнирәм» китабчасы ушагларынызын башыны гатмаг үчүн ојунҹаг дејил. Әслиндә, бу нәшр сизин үчүндүр ки, көрпәләринизлә бирҝә охујасыныз вә онларла үнсијјәт гурасыныз.

Әминик ки, бу китабча сизә өвладларыныза Мүгәддәс Китаб һәгигәтләрини «көрпәликдән» ашыламаға көмәк едән әвәзсиз аләт олаҹаг (2 Тимотејә 3:14, 15).

Сизин гардашларыныз,

Јеһованын Шаһидләринин Рәһбәрлик Шурасы

[Шәкил: сәһифә 3]