Рәһбәрлик Шурасынын мәктубу

Јеһова Аллаһы вә Онун Кәламыны севәнләрә:

Иса Мәсиһ демишди: «Сиз һәгигәти дәрк едәҹәксиниз вә һәгигәт сизи азад едәҹәк» (Јәһја 8:32). Илк дәфә Мүгәддәс Китабдакы һәгигәти өјрәнәндә һансы һиссләри кечирдијинизи јадыныза салын. Баша дүшәндә ки, бүтүн дүнја јаланын ағушунда олдуғу һалда, сиз һәгигәти өјрәнә биләрсиниз, јәгин чох һәјәҹанланмышдыныз (2 Тимутијә 3:1).

Јеһова Аллаһ истәјир ки, биз һәгигәти биләк. Биз инсанлары севдијимиз үчүн онлара һәгигәт һаггында данышмаг истәјирик. Амма Аллаһа хидмәт етмәк өзүнә даһа чох шеји дахил едир. Биз мәсиһи кими јашамаг үчүн әлимиздән ҝәләни етмәлијик, чүнки Јеһованын принсипләринә дәрин һөрмәт бәсләјирик. Иса Мәсиһ Аллаһы севдијимизи сүбут етмәјин мүһүм бир јолуну изаһ етмишди: «Мән Атамын әмрләрини јеринә јетирәрәк Онун мәнә олан мәһәббәтини горудуғум кими, сиз дә әмрләрими јеринә јетирсәниз, мәним сизә олан мәһәббәтими горујуб-сахлајаҹагсыныз» (Јәһја 15:10).

Иса Мәсиһ Атасыны үрәкдән севир вә Онун бујурдуғу һәр шеји јеринә јетирир. Әҝәр биз дә Мәсиһ кими јашамаға чалышсаг, Јеһова бизи севәҹәк вә биз һәгиги хошбәхтлији дадаҹағыг. Иса Мәсиһ демишди: «Мадам ки бунлары билирсиниз, әмәл един, онда хошбәхт олаҹагсыныз» (Јәһја 13:17).

Үмид едирик ки, бу нәшр сизә Мүгәддәс Китабдан өјрәндијиниз һәгигәтә ујғун јашамаға вә Аллаһын досту олмаға көмәк едәҹәк. Дуа едирик ки, сизин Аллаһа мәһәббәтиниз ҝүнү-ҝүндән артсын вә Аллаһын мәһәббәтиндән һеч вахт ајрылмајасыныз, беләҹә, әбәди һәјата говушасыныз (Јәһуда 21).

Јеһованын Шаһидләринин Рәһбәрлик Шурасы