1, 2. Проблемләрин олмасы никаһын уғурсуз олдуғуну ҝөстәрир?

НИКАҺ Јеһовадан әнамдыр. Инсан аилә гурандан сонра һәјаты даһа да хошбәхт ола биләр. Анҹаг һәр әр-арвадын өз чәтинлији олур. Һәтта бәзән елә ҝәлир ки, проблемләрин сону олмајаҹаг. Һәрдән әрлә арвад өзләрини бир-биринә даһа әввәлки кими јахын һисс етмирләр.

² Әҝәр сизин дә аиләниздә вахташыры чәтинликләр олурса, буна тәәҹҹүбләнмәјин. Чәтинликләрин олмасы никаһынызын уғурсуз олдуғуну ҝөстәрмир. Һәтта араларында сон дәрәҹә ҹидди проблемләр олан әр-арвадлар да мүнасибәтләрини дүзәлдә билмиш вә никаһларыны мөһкәмләндирмишләр. Ҝәл ҝөрәк неҹә.

3, 4. Бәзән аиләдә нә баш верир?

³ Никаһ ики фәргли инсаны бирләшдирир. Онларын һәр биринин өз дүшүнҹә тәрзи, хошлајыб-хошламадығы шејләр олур. Бәзән исә әрлә арвад ајры-ајры халгдан вә мәдәнијјәтдән олур. Әрлә арвадын бир-бирини јахшы танымасы вә баша дүшмәси үчүн вахт вә ҝүҹ тәләб олунур.

⁴ Бәзән вахт кечдикҹә әрлә арвадын башы өз ишләринә  елә гарышыр ки, бир дә ҝөрүрләр, бир-бириләриндән тамамилә узаглашыблар. Санки һәрә өз һәјатыны јашајыр. Онлара бир-биринә јахынлашмаға нә көмәк едә биләр?

5. а) Һәјат јолдашы илә мүнасибәтләрини даһа да јахшылашдырмаға мәсиһијә нә көмәк едә биләр? б) Ибраниләрә 13:4 ајәсинә әсасән, никаһа неҹә јанашмалыјыг?

⁵ Јеһованын вердији мәсләһәтләрин сајәсиндә һәјат јолдашынла сән һәм Јеһоваја, һәм дә бир-биринизә јахынлаша биләрсиниз (Зәбур 25:4; Әшија 48:17, 18). Јеһова дејир: «Гој һәр кәс никаһа һөрмәт етсин» (Ибраниләрә 13:4). Биз нәјәсә һөрмәт едириксә, демәли, о бизим үчүн дәјәрлидир. Ону горујуруг, онунла неҹә ҝәлди рәфтар етмирик. Јеһова истәјир ки, биз никаһа мәһз бу ҹүр јанашаг.

6. Мәтта 19:4—6 ајәләри Јеһованын никаһа бахышы барәдә нә дејир?

⁶ Илк никаһы Јеһова Өзү тәсис етмишди. Онун Оғлу Иса Мәсиһ демишди: «Мәҝәр охумамысыныз ки, Јарадан башланғыҹдан онлары киши вә гадын олараг јарадыб вә белә дејиб: “Буна ҝөрә дә инсан өз ата-анасыны тәрк едиб арвадына бағланаҹаг вә икиси бир бәдән олаҹаг”? Беләликлә, онлар артыг ики јох, бир бәдәндир. Буна ҝөрә дә Аллаһын бир бојундуругда бирләшдирдијини гој һеч кәс ајырмасын» (Мәтта 19:4—6). Лап башланғыҹдан Јеһова никаһын һәмишәлик иттифаг олмасыны нијјәт етмишди. О истәјирди ки, аиләләр меһрибан, хошбәхт олсун вә бирликдә һәјатдан һәзз алсынлар.

7. Әрлә арвад никаһларыны неҹә мөһкәмләндирә биләр?

⁷ Тәәссүфләр олсун ки, бу ҝүн әр-арвадлар арасында әввәлкиндән чох ҝәрҝинлик, чәтинлик јашаныр. Бәзән мүнасибәтләр о дәрәҹәдә ҝәрҝинләшир ки, даһа бир јердә јашамағын мүмкүн олмадығыны дүшүнүб ајрылырлар. Амма Јеһованын никаһа неҹә јанашдығыны анламаг әрлә арвада көмәк едә биләр (1 Јәһја 5:3).

8, 9. а) Јеһованын никаһа даир мәсләһәтинә нә заман әмәл етмәлијик? б) Никаһын бизим үчүн дәјәрли олдуғуну неҹә ҝөстәрә биләрик?

⁸ Јеһованын мәсләһәти һәмишә бизә хејир ҝәтирир. Вурғуландығы кими, О мәсләһәт верир: «Гој һәр кәс никаһа һөрмәт етсин» (Ибраниләрә 13:4; Ваиз 5:4). Биз һәтта чәтин оланда да Јеһованын дедијини етсәк, мүтләг хејир тапаҹағыг (1 Салоникилиләрә 1:3; Ибраниләрә 6:10).

⁹ Никаһымыз бизим үчүн дәјәрли олдуғундан биз  һәрәкәтләримизә вә сөзләримизә диггәт јетирмәлијик ки, она зәрәр јетирмәјәк. Биз һәјат јолдашымызла мүнасибәтимизи ҝүнбәҝүн мөһкәмләндирмәк истәјирик. Буну неҹә едә биләрик?

10, 11. а) Бәзи әр-арвадлар арасында һансы ҹидди проблем јашаныр? б) Нәјә ҝөрә һәјат јолдашымызла данышыг тәрзимиз мүһүм мәсәләдир?

¹⁰ Инсан һәјат јолдашына мүхтәлиф ҹүр јара вура биләр. Биз билирик ки, мәсиһиләр һәјат јолдашына әл галдырмамалы, јахуд она физики хәтәр јетирмәмәлидир. Анҹаг елә ола биләр ки, биз бир-биримизи сөзләр дә инҹидәк. Һәгигәтән дә, сөзләр инсаны гылынҹ кими јаралајыр. Бир гадын дејир: «Јолдашым сөзләрилә мәни јаралајыр. Дүздүр, бәдәнимдә из јохдур, амма онун “мәни боғаза јығмысан”, “сәндән адам олмајаҹаг” сөзләри гәлбимә ох кими санҹылыр». Бир киши дејир ки, арвады һәмишә она тәһгирамиз сөзләр дејир, алчалдыҹы адлар гојур. О дејир: «Онун мәнә дедији сөзләри адам ичиндә дилә ҝәтирмәк олмаз. Буна ҝөрә дә онунла даныша билмирәм, ҝеҹәјә кими ишдә галырам. Бу, евә ҝәлмәкдән јахшыдыр». Бу ҝүн инсаны јаралајан тәһгирамиз, алчалдыҹы, кобуд сөзләр ади һалдыр.

¹¹ Әрлә арвад бир-биринә аҹы сөзләр дејәндә бир-биринин гәлбинә сағалмаз јаралар вурурлар. Јеһова онларын бир-бирилә бу ҹүр рәфтар етмәсини истәмир. Бәзән елә ола биләр ки, һеч өзүн дә билмәдән һәјат јолдашынын гәлбинә дәјәрсән. Сәнә елә ҝәләр ки, онунла јахшы рәфтар едирсән. Бәс јолдашын да белә фикирләшир? Әҝәр һансыса сөзүн онун хәтринә дәјибсә, дәјишмәјә  һазырсан? (Галатијалылара 5:15; Ефеслиләрә 4:31 ајәсини оху).

12. Аиләли адамын Јеһова илә мүнасибәтинә нә тәсир едә биләр?

¹² Истәр адам ичиндә, истәрсә дә тәкликдә јолдашынла неҹә данышмағын Јеһова үчүн өнәмлидир. (1 Бутрус 3:7 ајәсини оху.) Јагуб 1:26 ајәсиндә дејилир: «Әҝәр кимсә диндар олдуғуну дүшүнүр, амма дилини ҹиловламырса, о, өз-өзүнү алдадыр вә онун диндарлығы бошдур».

13. Неҹә ола биләр ки, инсан өз һәјат јолдашыны јараласын?

¹³ Әрлә арвад бир-биринин һиссләрини башга саһәләрдә дә нәзәрә алмалыдыр. Мәсәлән, әҝәр сән әкс ҹинслә  чох вахт кечирмәјә башласан, һәјат јолдашын нә һисс едәр? Ола биләр, буну тәмиз нијјәтлә едирсән, мәсәлән, онунла хидмәт едирсән, проблемини һәлл етмәјә көмәк едирсән. Амма бу, јолдашына пис тәсир етмир? Бир мәсиһи гадын дејир: «Әримин јығынҹагда башга баҹыја чох вахт сәрф етмәси вә диггәт јетирмәси мәни јаралајыр. Мән өзүмү алчалмыш һисс едирәм».

14. а) Јарадылыш 2:24 ајәсиндән һансы әсас һәгигәти өјрәнирик? б) Өзүмүзә һансы суалы вермәлијик?

¹⁴ Бир мәсиһи кими, биз валидејнләримизин вә јығынҹагдакы баҹы-гардашларын да гаршысында мәсулијјәт дашыјырыг. Бунунла белә, аилә гуранда, бизим әсас мәсулијјәтимиз һәјат јолдашымыз олур. Јеһова демишди ки, әр «арвадына бағланаҹаг» (Јарадылыш 2:24). Һәјат јолдашымызын һиссләри бизим үчүн чох өнәмли олмалыдыр. Өзүндән соруш: «Мән һәјат јолдашыма онун еһтијаҹ дујдуғу, лајиг олдуғу гәдәр вахт, диггәт вә нәвазиш ҝөстәрирәм?»

15. Нәјә ҝөрә аиләли мәсиһиләр һәјат јолдашларындан башга һеч кимә чох јахын олмамалыдырлар?

¹⁵ Әҝәр биз һәјат јолдашымыздан чох башга кимәсә јахын оларыгса, бу, никаһымыз үчүн тәһлүкә јарадар. Биз һәмин адама бағланарыг, она романтик һиссләр бәсләмәјә башлаја биләрик (Мәтта 5:28). Бу һиссләр ҝетдикҹә ҝүҹләнә биләр, нәтиҹәдә, никаһы һөрмәтдән салан һәрәкәтә јол верәрик.

16. Мүгәддәс Китаб никаһла бағлы һансы әмри верир?

¹⁶ Мүгәддәс Китабда «гој һәр кәс никаһа һөрмәт  етсин» дејиләндән сонра әлавә олунур: «Никаһ јатағы ләкәсиз олсун, чүнки Аллаһ әхлагсызлары вә зинакарлары мүһакимә едәҹәк» (Ибраниләрә 13:4). Бурада «никаһ јатағы» дејәндә әрлә арвад арасындакы интим мүнасибәт нәзәрдә тутулур (Мәсәлләр 5:18). Бу мүнасибәти ләкәләмәмәк нә демәкдир? Она һөрмәт етдијимизи неҹә ҝөстәрә биләрик?

17. а) Бир чох инсанлар зинаја неҹә бахыр? б) Мәсиһиләр зинаја неҹә јанашмалыдыр?

¹⁷ Бәзи инсанларын фикринҹә, һәјат јолдашына хәјанәт етмәкдә пис бир шеј јохдур. Амма биз бу фикирләрә ујмамалыјыг. Јеһова ачыг-ајдын билдирир ки, О, әхлагсызлыға вә зинаја нифрәт едир. (Ромалылара 12:9 ајәсини оху; Ибраниләрә 10:31; 12:29.) Инсан һәјат јолдашындан башга киминләсә ҹинси әлагәдә оланда никаһыны ләкәләјир. Бунунла о, Јеһованын ганунларына һөрмәт етмәдијини ҝөстәрир вә Јеһова илә мүнасибәтләрини позур. Демәли, биз әхлагсызлыға апарыб чыхаран илк аддымдан да гачмалыјыг. Буна башгасы һаггында натәмиз фикирләрдән узаг дурмаг дахилдир (Әјјуб 31:1).

18. а) Нәјә ҝөрә зина бүтпәрәстлијә бәрабәр ҝүнаһ сајылырды? б) Јеһова зинаја неҹә бахырды?

¹⁸ Гәдим Исраилдә Төврата әсасән, зина јалан аллаһлара ибадәт етмәк гәдәр ҹидди ҝүнаһ иди. Һәр ики ҝүнаһа өлүм ҹәзасы кәсилирди (Лавилиләр 20:2, 10). Неҹә ола биләр ки, зина бүтпәрәстликлә ејни ҝүнаһ олсун? Исраилли јалан аллаһлара ибадәт едәндә Јеһоваја садиг галмагла бағлы вердији әһди позурду. Ејнилә, зина едәндә дә исраилли һәјат јолдашына садиг  галаҹағына вердији вәди позурду (Чыхыш 19:5, 6; Ганунун тәкрары 5:9; Мәлаки 2:14 ајәсини оху). Ајдындыр ки, кечмишдә Јеһова зинаны чох ҹидди ҝүнаһ кими гәбул едирди.

19. Зина етмәмәјә неҹә әзмли ола биләрик?

¹⁹ Бәс бу ҝүн бу барәдә нә демәк олар? Дүздүр, биз Мусанын Гануну алтында јашамырыг, амма Јеһованын зинаја мүнасибәти дәјишмәјиб. Неҹә ки, јалан аллаһа һеч вахт ибадәт етмәрик, һәјат јолдашымыза да һеч вахт хәјанәт етмәмәлијик (Зәбур 51:1, 4; Колослулара 3:5). Буну етсәк, һәм өз никаһымыза, һәм дә Аллаһымыз Јеһоваја гаршы һөрмәтсизлик едәрик. (26-ҹы әлавәјә бах.)

20. Һикмәтли олмаг никаһа неҹә фајда верә биләр?

²⁰ Никаһыны неҹә мөһкәмләндирә биләрсән? Аллаһын Кәламында дејилир: «Ев һикмәтлә тикиләр, бәсирәтлә мөһкәмләнәр» (Мәсәлләр 24:3). Ев ја сојуг, бош ола биләр, ја да раһат вә исти јува ола биләр. Никаһ да бу ҹүрдүр. Һикмәтли инсан елә едәҹәк ки, онун никаһы мөһкәм, хош вә фираван олсун.

21. Билик никаһы неҹә мөһкәмләндирир?

²¹ Мүгәддәс Китабда ев барәдә сөһбәти давам етдирәрәк дејилир: «Билик сајәсиндә отаглар долар гијмәтли, ҝөз охшајан хәзинәләрлә» (Мәсәлләр 24:4). Аллаһын Кәламындан өјрәндикләрин сәнин никаһыны јахшылыға доғру дәјишә биләр (Ромалылара 12:2; Филиппилиләрә 1:9). Мүгәддәс Китабы вә нәшрләри һәјат јолдашынла бирликдә охујанда өјрәндикләринизи неҹә  тәтбиг едә биләҹәјинизи мүзакирә един. Ҝөрүн бир-биринизә даһа неҹә мәһәббәт вә һөрмәт ҝөстәрә, һәмчинин меһрибан вә анлајышлы ола биләрсиниз. Јеһовадан диләјин ки, никаһынызы мөһкәмләндирмәк үчүн вә сизи һәјат јолдашыныза даһа чох севдирмәк үчүн лазым олан кејфијјәтләрә јијәләнмәјә көмәк етсин (Мәсәлләр 15:16, 17; 1 Бутрус 1:7).

22. Биз нә үчүн һәјат јолдашымыза севҝи, һөрмәт вә еһтирам ҝөстәрмәлијик?

²² Биз һәјат јолдашымызла севҝи, һөрмәт вә еһтирамла давранмаг үчүн вар ҝүҹүмүзлә чалышмалыјыг. О заман никаһымыз мөһкәм вә узунөмүрлү олаҹаг. Ән әсасы исә биз Јеһованы севиндирәҹәјик (Зәбур 147:11; Ромалылара 12:10).