ДӘРС 44
Бүтүн бајрамлар Аллаһа мәгбулдур?
Јеһова истәјир ки, биз һәјатдан һәзз алаг, һәм дә јери ҝәлдикҹә шәнлик кечирәк. Бәс бајрамларын һамысы Јеһоваја мәгбулдур? Бу мәсәлә илә бағлы гәрар верәркән Јеһованы севдијимизи неҹә ҝөстәрә биләрик?
1. Нәјә ҝөрә бир чох бајрамлар Јеһоваја мәгбул дејил?
Бәлкә дә тәәҹҹүбләнәҹәксиниз, амма бир чох бајрамларын көкүндә Мүгәддәс Китаба әсасланмајан тәлимләр вә бүтпәрәстлик ајинләри дурур. Бу ҹүр бајрамлар јалан динлә, ҹиндарлыгла әлагәли ола биләр вә өлмәз руһ тәлиминә әсаслана биләр. Бәзи бајрамларын исә көкү хурафата, тале-гисмәт инанҹына ҝедиб чыхыр (Әшија 65:11). Јеһова Өз хидмәтчиләринә хәбәрдарлыг едир: «Онларын арасындан чыхын, ајрылын вә бир дә мурдар шејләрә тохунмајын» a (2 Коринфлиләрә 6:17).
2. Јеһова инсанлары уҹалдан бајрамлара неҹә јанашыр?
Јеһова хәбәрдарлыг едир ки, инсана бел бағламајаг, чүнки бу, тәләдир. (Әрәмја 17:5 ајәсини охујун.) Бәзи бајрамлар рәһбәрләрин, јахуд әсҝәрләрин шәнинә кечирилир. Диҝәр бајрамлар дөвләт рәмзләринә вә ја мүстәгиллијә һәср олунур (1 Јәһја 5:21). Һәмчинин сијаси вә иҹтимаи һәрәкатлара да һәср олунмуш бајрамлар вар. Әҝәр һансыса инсаны, јахуд тәшкилаты уҹалтсаг, хүсусән дә әҝәр һәмин шәхс вә ја тәшкилат Јеһованын нијјәтинә зидд ҝедән фикирләр ирәли сүрүбсә, Јеһова нә һисс едәр?
3. Бајрамларда Јеһоваја мәгбул олмајан һансы һәрәкәтләрә јол верилир?
Мүгәддәс Китабда әјјашлыг, кеф мәҹлисләри вә сәрхошлуг ҝүнаһ һесаб олунур (1 Бутрус 4:3). Бәзи бајрамларда азғынлыға, әхлагсызлыға јол верилир. Јеһова илә достлуғумузу горумаг истәјириксә, бу ҹүр әхлаги натәмизликдән узаг дурмалыјыг.
Д Ә Р И Н Л И Ј Ә В А Р Ы Н
Ҝөрүн бајрамларла бағлы дүзҝүн гәрар верәрәк Јеһованы неҹә разы сала биләрсиниз.
4. Јеһованын адына көлҝә салан бајрамлары рәдд един
Ефеслиләрә 5:10 ајәсини охујун вә нөвбәти суаллары мүзакирә един:
-
Һансыса бајрамы кечириб-кечирмәјәҹәјимизи мүәјјән едәркән нәјә әмин олмалыјыг?
-
Сизин јашадығыныз әразидә һансы бајрамлар кечирилир?
-
Сизҹә, бу бајрамлар Јеһоваја мәгбулдур?
Мәсәлән, һеч дүшүнмүсүнүз, Аллаһ ад ҝүнү барәдә нә фикирләшир? Мүгәддәс Китабда Јеһованын һеч бир хидмәтчисинин ад ҝүнү кечирдији јазылмајыб. Амма орада Јеһоваја хидмәт етмәјән ики шәхсин ад ҝүнүндән данышылыр. Јарадылыш 40:20—22 вә Мәтта 14:6—10 ајәләрини охујун. Сонра нөвбәти суаллары мүзакирә един:
-
Һәр ики ад ҝүнүндә үмуми ҹәһәт нә иди?
-
Мүгәддәс Китабдакы бу әһвалатлара әсасән, сизҹә, Јеһова ад ҝүнүнә неҹә јанашыр?
Амма сиздә суал јарана биләр: «Ҝөрәсән ад ҝүнүндә, јахуд һансыса бајрамда иштирак едиб-етмәмәјим Јеһова үчүн әһәмијјәт кәсб едир?» Чыхыш 32:1—8 ајәләрини охујун. Сонра ВИДЕОЈА бахын вә нөвбәти суаллары мүзакирә един:
-
Нәјә ҝөрә Јеһоваја нәјин мәгбул олдуғуна даима әмин олмаг ваҹибдир?
-
Буну неҹә едә биләрик?
Ҝөрәсән бу бајрам Аллаһа мәгбулдур?
-
Мүгәддәс Китаба зидд ҝедән етигадлара әсасланыр? Буну билмәк үчүн бајрамын көкүнү арашдырын.
-
Инсанлары, тәшкилатлары, јахуд дөвләт рәмзләрини уҹалдыр? Биз Јеһованы һәр шејдән вә һәр кәсдән уҹа тутуруг. Һәмчинин инанырыг ки, дүнјанын проблемләрини О һәлл едәҹәк.
-
Бајрамдакы адәтләр вә давраныш Мүгәддәс Китабдакы гајда-ганунлара зидд ҝедир? Биз әхлаги тәмизлији горумалыјыг.
5. Елә давранын ки, етигадыныза һөрмәт етсинләр
Сизи Јеһоваја мәгбул олмајан бајрамда иштирак етмәјә мәҹбур едәрләрсә, бу заман етираз етмәк чәтин ола биләр. Мөвгејинизи сәбирлә вә нәзакәтлә изаһ един. Нүмунә үчүн ВИДЕОЈА бахын.
Мәтта 7:12 ајәсини охујун вә нөвбәти суаллары мүзакирә един:
-
Бу ајәјә әсасән, иманыныза шәрик олмајан аилә үзвләринизин бајрамы гејд едиб-етмәјәҹәјинә ким гәрар вермәлидир?
-
Аилә үзвләринизи неҹә әмин едә биләрсиниз ки, онларла бирҝә бајрамы гејд етмәсәниз дә, онлары севирсиниз?
6. Јеһова хошбәхтлијимизи истәјир
Јеһова истәјир ки, биз аиләмизлә, достларымызла бирҝә хош вахт кечирәк. Ваиз 8:15 ајәсини охујун вә нөвбәти суалы мүзакирә един:
-
Бу ајә неҹә ҝөстәрир ки, Јеһова бизим хошбәхтлијимизи истәјир?
Јеһова халгынын бирҝә шәнләнмәјини вә хош вахт кечирмәјини истәјир. ВИДЕОЈА бахын вә ҝөрүн бејнәлхалг топлантыларымызда бу неҹә ајдын олур.
Галатијалылара 6:10 ајәсини охујун вә нөвбәти суаллары мүзакирә един:
-
Башгаларына јахшылыг етмәк үчүн бајрамлары кечирмәк мүтләгдир?
-
Сизә нә даһа чох севинҹ бәхш едәр: бајрам вахты мәҹбур галыб һәдијјә вермәк, јохса үрәјиниз истәјән вахт һәдијјә вермәк?
-
Бир чох Јеһованын Шаһиди өвладлары үчүн вахташыры шәнликләр кечирир вә онлара һәдијјәләр верир. Өвладыныз варса, онун үчүн мараглы нә едә биләрсиниз?
БӘЗИ ИНСАНЛАР ДЕЈИР: «Бајрамын мәншәјинин бизә нә аидијјәти вар? Әсас одур, аиләнлә, достларынла бирҝә хош вахт кечирәсән».
-
Сиз нә дејәрдиниз?
ИҸМАЛ
Јеһова истәјир ки, биз аиләмизлә, достларымызла бирҝә хош вахт кечирәк. Амма һәмчинин истәјир ки, Она мәгбул олмајан бајрамлардан узаг дураг.
Тәкрар
-
Һансыса бајрамын Јеһоваја мәгбул олуб-олмадығыны неҹә мүәјјән едә биләрсиниз?
-
Аилә үзвләринизә вә достларыныза бајрамла бағлы мөвгејинизи баша дүшмәјә неҹә көмәк едә биләрсиниз?
-
Һарадан билирик ки, Јеһова хошбәхт олмағымызы вә шәнләнмәјимизи истәјир?
Ә Л А В Ә М Ә Л У М А Т
Мәсиһиләрин гејд етмәдији бәзи бајрамлара нәзәр салын.
«Јеһованын Шаһидләри нәјә ҝөрә мүәјјән бајрамлары кечирмир?» (интернет мәгаләси)
Нәјә ҝөрә ад ҝүнү Аллаһа мәгбул дејил? Бунун дөрд сәбәбини өјрәнин.
«Нәјә ҝөрә Јеһованын Шаһидләри ад ҝүнү кечирмирләр?» (интернет мәгаләси)
Ҝөрүн бир ҝәнҹи бајрамы гејд етмәдији үчүн мәктәбдә әлә саланда о неҹә давранды.
Милјонларла мәсиһи Милад бајрамыны гејд етмир. Онлар вердикләри бу гәрар барәдә нә дүшүнүр?
«Инди даһа хошбәхтдирләр» («Ҝөзәтчи гүлләси», 1 декабр 2012)
a Бајрамларда јаранан вәзијјәтләрлә бағлы суаллара ҹаваб тапмаг үчүн 5-ҹи әлавәјә бахын.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
