Сәсинин ҝүҹүнү дәјиш. Әсас фикирләри вурғуламаг вә динләјиҹиләри һәрәкәтә тәшвиг етмәк истәјәндә сәсини бир гәдәр галдыр. Мүгәддәс Китабдан һөкм хәбәрләрини охујанда да белә ет. Динләјиҹиләрдә интизар јаратмаг, горху вә һәјәҹан ифадә етмәк үчүн сәсинин ҝүҹүнү азалт.

Сәсинин тонуну дәјиш. Әҝәр сизин дилә ујғундурса, шөвг ифадә етмәк, јахуд өлчү вә ја мәсафәни билдирмәк үчүн сәсинин тонуну галдыр. Кәдәр, нараһатчылыг ифадә етмәк үчүн исә ашағы тонда даныш.

Темпи дәјиш. Һисс-һәјәҹан ифадә етмәк лазым ҝәләндә бир гәдәр сүрәтлә даныш. Ваҹиб фикирләрдән данышаркән темпи нисбәтән азалт.