Сөзсүз ки, Һизгијал сарајларын вә мәбәдләрин гаршысында ҝөзәтчи кими дуран инсан башлы, өкүз вә шир бәдәнли, ганадлы нәһәнҝ һејкәлләр ҝөрмүшдү. Чүнки бу ҹүр һејкәлләрә гәдим Ашшур вә Бабилистанын һәр јериндә раст ҝәлмәк оларды. Јәгин Һизгијал да һамы кими бу ваһимәли һејкәлләрин гаршысында дуруб һејрәтлә онлара тамаша едирди. Бәзән һүндүрлүјү алты метрә чатан бу һејкәлләр нә гәдәр гүдрәтли ҝөрүнсәләр дә, ҹансыз идиләр, садәҹә дашдан ојулмуш һејкәлләр идиләр.

Һизгијал исә ҝөрүнтүдә ҹансыз һејкәлләр јох, мәхлуглар ҝөрмүшдү. Бу ики шеј арасында јерлә ҝөј гәдәр фәрг вар. Бу мәнзәрә Һизгијала елә тәсир етмишди ки, о, пејғәмбәрлијинин ҝиришиндә мәхлуг сөзүнү он дәфәдән чох ишләтмишди (Һизг. 1:5—22). Дөрд мәхлугун Аллаһын тахтындан ашағыда һәмаһәнҝ һәрәкәт етмәси, јәгин Һизгијалын бејнинә бирдәфәлик һәкк етмишди ки, Јеһова бүтүн варлыглары идарә едир. Бу ҝүн һәмин ҝөрүнтү хәјалымызда Јеһованын бөјүклүјүнү, гүдрәтини вә һакимијјәтинин әзәмәтини ҹанландырараг бизи һејрәтә салыр (1 Салн. 29:11).