Ҝөрүнтүдәки мәбәд «һүндүр бир дағын» (1) башында уҹалдылыб. Бәс биз пак ибадәти һәјатымызда һәр шејдән үстүн тутараг ону уҹалдырыг?

Диварлар (2) мәбәдин әтрафындакы ҝениш саһәни (3) әһатә едирди. Бу бизә хатырладыр ки, Јеһоваја етдијимиз ибадәти нәјинсә ләкәләмәсинә һеч вахт јол вермәмәлијик. Әҝәр ҝүндәлик һәјатла бағлы олан ади шејләр белә, пак ибадәтдән узаг олмалыдырса, о заман натәмиз вә әхлагсыз давранышын Јеһованын хидмәтчиләринин һәјатындан узаг олмасы сон дәрәҹә лабүддүр (Һизг. 42:20).

Мәбәддән гајнајыб чыхан булаг ҝетдикҹә ҝенишләниб чаја (4) дөнүр вә торпағы ҹанландырыб мәһсулдар едир. Бу немәтләр барәдә бу нәшрин 19-ҹу фәслиндә данышылыр.

Һүндүр бајыр дарвазалары (5)  вә ичәри дарвазалар (9) бизә хатырладыр ки, Јеһова пак шәкилдә ибадәт едән һәр кәс үчүн ејни әхлаг гајдалары тәсис едиб. Диггәт јетирин ки, бајыр вә ичәри дарвазаларын үмуми өлчүләри ејнидир. Бу, чох мүнасибдир, чүнки тутдуғу вәзифәдән асылы олмајараг бүтүн хидмәтчиләр үчүн Јеһованын тәләбләри ејнидир.

Јемәк отаглары (8) бизә хатырладыр ки, гәдимдә халг мәбәдә ҝәтирдији гурбанлардан јејә биләрди. Бунунла онлар, санки Јеһова илә бир сүфрә архасында әјләшиб јемәк јејирдиләр. Бу ҝүн мәсиһиләрин ибадәт етдији руһани мәбәддә вәзијјәт бир гәдәр фәрглидир. Чүнки артыг «бир гурбан» тәгдим олунуб (Ибр. 10:12). Бунунла белә биз Јеһоваја мәдһ гурбаны тәгдим едирик (Ибр. 13:15).

Бу ҝөрүнтүдәки әтрафлы өлчүләр чашдырыҹы ҝөрүнә биләр, амма онлар ваҹиб бир мәгамы баша салырлар. Бу өлчүләр зәманәт верир ки, Јеһованын пак ибадәти дирчәлтмәк нијјәти мүтләг јеринә јетәҹәк вә бу өлчүләр кими дәгиг, дәјишилмәздир. Һизгијал ҝөрүнтүдә инсан ҝөрмәсә дә, Јеһованын каһинләрә, башчылара вә халга ҹидди мәсләһәт вердијини гәләмә алыб, Аллаһын бүтүн хидмәтчиләри Онун али ганунларына риајәт етмәлидирләр.