1919-ҹу илдә бир-бири илә әлагәли олан ики пејғәмбәрлик, «гуру сүмүкләр» вә «ики шаһид» пејғәмбәрлији јеринә јетди. «Гуру сүмүкләр» ҝөрүнтүсү чох узун сүрән вә Аллаһын халгынын ҹәм һалында ҹанланмасы илә тамамланан бир дөврә аиддир (бу дөвр әсрләрлә давам етмишди) (Һизг. 37:2—4; Вәһј 11:1—3, 7—13). «Ики шаһид» пејғәмбәрлији исә гыса мүддәт давам едән вә Аллаһын аз сајда хидмәтчисинин ҹанланмасы илә битән дөврү билдирир (1914-ҹү илин сонундан 1919-ҹу илин әввәлинәдәк давам етмишди). Һәр ики пејғәмбәрлик символик дирилмәни тәсвир едир вә мүасир дөврдә һәр икиси 1919-ҹу илдә јеринә јетди. Һәмин вахт Јеһова мәсһ олунмуш хидмәтчиләрини «ајаға галдырды», онлары Бөјүк Бабилин әсарәтиндән азад етди вә бәрпа олунмуш јығынҹаға топлады (Һизг. 37:10).

Лакин бу ики пејғәмбәрлијин иҹрасы мүһүм бир мәгамда бир-бириндән фәргләнир. «Гуру сүмүкләр» пејғәмбәрлији јер үзүндәки бүтүн мәсһ олунмушларын ҹанланмасындан данышыр. «Ики шаһид» пејғәмбәрлији исә мәсһ олунмушларын бәзиләринин — тәшкилата рәһбәрлик едән, «садиг вә ағыллы нөкәр» тәјин олунан мәсһ олунмушларын ҹанланмасындан хәбәр верир (Мәт. 24:45; Вәһј 11:6) *.

1. Б. е. 100-ҸҮ ИЛИНДӘН СОНРА

   Б. е. II әсриндән бәри. Мәсһ олунмушлардан ибарәт мәсиһи јығынҹағы мәҹази мәнада гәтлә јетириләндә дүзәнлик сүмүкләрлә долду

2. 1919-ҸУ ИЛИН ӘВВӘЛИ

   1919. «Гуру сүмүкләр» ҹанланды. Јеһова бүтүн мәсһ олунмушлары Бөјүк Бабилдән чыхардыб бәрпа олунмуш јығынҹаға топлады

1. 1914-ҸҮ ИЛИН СОНУ

   «Чул ҝејиб» тәблиғ едирләр

   1914. «Ики шаһид» «әјнинә чул ҝејиб» үч ил јарым тәблиғ етди. Бу дөврүн сонунда онлар мәҹази мәнада өлдүрүлдү

2. Символик өлүм

3. 1919-ҸУ ИЛИН ӘВВӘЛИ

   1919. «Ики шаһид» ҹанланды. Тәшкилата рәһбәрлик едән мәсһ олунмуш гардашлардан ибарәт кичик груп «садиг вә ағыллы нөкәр» тәјин олунду