Јуил 3:1—21
3 «Һәмин ҝүнләрдә,Јәһуда вә Јерусәлимин әсирликдәки сакинләрини ҝери гајтараҹағым+ вахт
2 Мән бүтүн халглары јығыбЈәһушафат* дәрәсинә ҝәтирәҹәјәм.
Орада халгыма ҝөрә,Ирсим Исраилә ҝөрә онларла һагг-һесаб чәкәҹәјәм.+Чүнки халгымы үммәтләр арасына сәпәләдиләр,Торпағымы бөлүшдүрдүләр.+
3 Халгымдан өтрү пүшк атдылар,+Фаһишәјә музд әвәзи оғлан ушағы вердиләр,Гыз ушағыны шәраба дәјишдиләр.
4 Еј Сур вә Сидон, еј Филишт бөлҝәләри,Мәнимлә бу ҹүр давранмаға неҹә ҹүрәт етдиниз?
Сизә нә пислијим дәјиб ки, Мәнә әвәзини верирсиниз?
Мадам, Мәнимлә белә һәрәкәт едирсиниз,Мән дә етдикләринизи дәрһал, дәрһал башыныза ҝәтирәҹәјәм.+
5 Чүнки сиз гызылымы, ҝүмүшүмү ҝөтүрдүнүз,+Гијмәтли хәзинәми мәбәдләринизә апардыныз,
6 Јәһуда вә Јерусәлим әһлиниВәтәнләриндән узаглашдырмаг үчүн јунанлара сатдыныз.+
7 Мән онлары ајаға галдыраҹағам ки, сатдығыныз јердән ҝери гајытсынлар.+Етдикләринизи башыныза ҝәтирәҹәјәм.
8 Сизин оғул-гызларынызы Јәһуда әһлинә сатаҹағам,+Онлар да өвладларынызы узаг бир халга, Сәба ҹамаатына сатаҹаглар,Јеһова белә дејир.
9 Халглар арасында елан един:+
“Мүһарибәјә һазырлашын! Иҝидләри гызышдырын!
Гој бүтүн дөјүшчүләр јахынлашсын, ирәли атылсын!+
10 Ҝаваһынларыныздан* гылынҹ, орагларыныздан низә дүзәлдин.
Гој зәиф “мән ҝүҹлүјәм” десин!
11 Еј әтрафдакы халглар, бир јерә топланын,+ ҝәлин бир-биринизә көмәк един!”»
Еј Јеһова, иҝидләрини ораја ендир.
12 «Гој халглар галхсын, Јәһушафат дәрәсинә чыхсын.Чүнки Мән орада отуруб бүтүн әтраф халглары мүһакимә едәҹәјәм.+
13 Ораг чалын, мәһсул јетишиб.
Ашағы дүшүб тапдалајын, үзүмсыхан долуб,+
Чәнләр долуб-дашыр, чүнки халгларын пислији чохдур.
14 Һөкм дәрәсиндә күтләләр, күтләләр топлашыб!Јеһованын орада һөкм чыхараҹағы ҝүн јахындыр.+
15 Ҝүнәш вә ај гаралаҹаг,Улдузларын парылтысы итәҹәк.
16 Јеһова Сиондан нәрә чәкәҹәк,Јерусәлимдән ҝурулдајаҹаг.
Ҝөј вә јер сарсылаҹаг.Лакин Јеһова халгы үчүн сығынаҹаг,+Исраил халгы үчүн гала олаҹаг.
17 Онда биләҹәксиниз ки, Мән сизин Аллаһыныз Јеһовајам, мүгәддәс дағым Сион мәскәнимдир.+
Јерусәлим мүгәддәс јер олаҹаг,+Јаделлиләр бир даһа ора ајаг басмајаҹаг.+
18 О ҝүн белә олаҹаг: дағлардан ширин шәраб дамаҹаг,+Тәпәләрдән сүд ахаҹаг,Јәһуданын бүтүн чајлары су илә долаҹаг.
Јеһованын евиндән бир чешмә чыхаҹаг,+Акасија вадисини сувараҹаг.
19 Јәһуда халгына зүлм етдијинә ҝөрә,+Онун торпағында ҝүнаһсыз ган төкдүјүнә ҝөрә+Мисир виран галаҹаг,+Әдум инс-ҹинс олмајан сәһраја дөнәҹәк.+
20 Амма Јәһуда һәмишә,Јерусәлим нәсилдән-нәслә инсан мәскәни олаҹаг.+
21 Әввәлләр төкдүкләри гана ҝөрә онлары ҝүнаһлы сајырдымса, инди ҝүнаһсыз сајаҹағам.+Мән Јеһова Сионда мәскән салаҹағам».+
