Зәбур 46:1—11
Дирижора. Гарун оғулларынын мәзмуру. Аламут* үслубунда.
46 Аллаһ ҝүҹүмүз, пәнаһымыздыр,Дар ҝүндә көмәјә һазырдыр.
2 Дүнја алт-үст олса да,Дағлар сарсылыб дәнизин дибинә дүшсә дә, биз горхмарыг.
3 Дәнизин сулары ҹошуб көпүкләнсә дә,Күкрәјишиндән дағлар титрәсә дә, горхмарыг. (Селаһ)
4 Бир чај вар, сулары Аллаһын шәһәринә,Һагг-Тааланын мөһтәшәм, Мүгәддәс чадырына севинҹ ахыдыр.
5 Аллаһ орададыр, о шәһәр фәтһ едилмәз,
Дан јери сөкүләндә Аллаһ онун дадына чатар.
6 Халглар ҹошар, сәлтәнәтләр сарсылар,Онун сәси ҝурулдады, јер үзү әриди.
7 Ордулар Аллаһы Јеһова бизимләдир!Јагубун Аллаһы галамыздыр! (Селаһ)
8 Ҝәлин, Јеһованын ҝөрдүјү ишләрә бахын,Ҝөрүн јер үзүндә неҹә һејрәтли шејләр едиб.
9 Јерин бир уҹундан о бири уҹунадәк дөјүшләри кәсир,
Каманы гырыр, низәни сындырыр,Ҹәнҝ арабаларыны* ода атыр.
10 «Тәслим олун, еј инсанлар, билин ки, Аллаһ Мәнәм.
Халглар арасында уҹалаҹағам,Бүтүн дүнјада уҹалаҹағам».
11 Ордулар Аллаһы Јеһова бизимләдир!Јагубун Аллаһы галамыздыр! (Селаһ)
