Микә 3:1—12
3 Мән дедим: «Ешидин, еј Јагуб башчылары,Еј Исраил евинин рәһбәрләри!+
Мәҝәр һагг-әдаләти билмәк сизин ишиниз дејил?
2 Сиз исә јахшылыға нифрәт едиб+ јаманлығы севирсиниз+.Сиз халгымын дәрисини сојурсунуз, әтини сүмүкдән гопарырсыныз.+
3 Сиз халгымын әтини јејирсиниз,+Дәрисини сојур, сүмүјүнү гырырсыныз.+Онлары ҹәмдәк кими,Газан-таваја атылан әт кими доғрајырсыныз.
4 О ҝүн онлар Јеһовадан имдад диләјәҹәкләр,Фәгәт О ҹаваб вермәјәҹәк.
О заман онлардан үз дөндәрәҹәк,+Чүнки онларын әмәлләри шәрдир.+
5 Халгымы аздыран пејғәмбәрләр+ дишләри илә ҝәмирә-ҝәмирә*+“Сүлһ!”+ — дејиб ҹар чәкирләр, ағызларына бир шеј гојмајана мүһарибә елан едирләр.Јеһова онлар һагда белә дејир:
6 “Үзәринизә ҝеҹә чөкәҹәк,+ вәһј алмајаҹагсыныз,+Гаранлыг чөкәҹәк, фалчылыг етмәјәҹәксиниз.
Пејғәмбәрләр үчүн ҝүнәш батаҹаг,Ҝүндүз гаранлыға дөнәҹәк.+
7 Ҝөрүҹүләр хәҹил олаҹаг,+Фалчылар мәјус олаҹаг,
Һамысы ағзыны* өртәҹәк,Чүнки Аллаһдан ҹаваб ҝәлмәјәҹәк”».
8 Мән исә Јеһованын руһу сајәсиндә ҝүҹ-гүввәтлә,Әдаләтлә, ҹәсарәтлә долмушам ки,Јагуба асилијини, Исраилә ҝүнаһыны билдирим.
9 Динләјин, еј Јагуб евинин башчылары,Еј Исраил евинин рәһбәрләри!+Сиз әдаләтдән икраһ едир, һәр дүзлүјү әјирсиниз,+
10 Сиону ган үстүндә тикир, Јерусәлими һагсызлыгла инша едирсиниз.+
11 Онун башчылары рүшвәтлә һөкм верир,+Каһинләри һагг алыб өјрәдир,+Пејғәмбәрләри пулла фалчылыг едир.+
Бунунла белә, Јеһоваја архаланыб* дејирләр:
«Јеһова бизимләдир,+
Хата-бала биздән јан кечәр!»+
12 Буна ҝөрә дә сизин үзүнүздәнСион тарла кими шумланаҹаг,Јерусәлим даш галағына чевриләҹәк,+Аллаһын евинин дурдуғу дағ мешәлијә дөнәҹәк.+
Һашијәләр
^ Диҝәр вариант: халгымы аздыран пејғәмбәрләр јемәјә бир шејләри оланда.
^ Јахуд бығыны.
^ Јахуд Јеһоваја архаландыгларыны сөјләјиб.
