Микә 7:1—20
7 Вај мәним һалыма!Мән о адама бәнзәјирәм ки,Јај мејвәләри вә үзүм јығымындан сонраНә бир салхым үзүм,Нә көнлү истәјән бир әнҹир тапыр!
2 Дүнјада садиг адам галмајыб,Инсанлар арасында әмәлисалеһ адам галмајыб.+
Һамысы ган төкмәк үчүн пусгуда дурур,+
Гардаш гардашы тора салыр.
3 Әлләри пис ишләрдә маһирдир,+Башчы бәхшиш тәләб едир,Һаким рүшвәт истәјир,+Нүфузлу адам истәкләрини бәлли едир,+Онлар әлбир олуб иш гурурлар.
4 Онларын ән јахшысы тикан кимидир,Ән салеһи тиканлы чәпәрдән дә бетәрдир.
Кешикчиләринин дедији ҝүн, һесабат верәҹәјин ҝүн мүтләг ҝәләҹәк.+
О вахт тәшвишә дүшәҹәксән.+
5 Јолдашына инанма!Сирдашына етибар етмә!+
Гојнунда јатана һәр шеји ачыб данышма!
6 Оғул атасына һәгарәт едир.Гыз анасына,+Ҝәлин гајынанасына гаршы чыхыр.+Инсанын дүшмәни өз евиндәкиләрдир.+
7 Мән исә ҝөзүмү Јеһоваја дикәҹәјәм,+
Мәнә гуртулуш верән Аллаһы сәбирлә ҝөзләјәҹәјәм.+
Аллаһым мәни ешидәҹәк.+
8 Еј дүшмәним, һалыма севинмә!
Һәрчәнд јыхылмышам, галхаҹағам,Һәрчәнд зүлмәтдә јашајырам, Јеһова мәним нурум олаҹаг!
9 Јеһова ишимә бахыб әдаләтли һөкм верәнәдәкОнун гәзәбинә таб ҝәтирәҹәјәм,Ахы Она гаршы ҝүнаһ етмишәм.+
О, мәни ишыға чыхараҹаг,Әдаләтини ҝөрәҹәјәм.
10 Дүшмәним дә буну ҝөрәҹәк,Мәнә: «Һаны Аллаһын Јеһова?»+ — дејән
Хәҹаләт чәкәҹәк.
Дүшмәнимин бәдбәхтлијини ҝөзүмлә ҝөрәҹәјәм,
Ону күчәдәки палчыг кими тапдалајаҹаглар.
11 Бир ҝүн даш диварларын һөрүләҹәк;О ҝүн сәрһәд ҝенишләнәҹәк*.
12 О ҝүн Ашшурдан вә Мисир шәһәрләриндән,Мисирлә чај* арасындакы,Дәнизләр арасындакы,Дағлар арасындакы өлкәләрдән сәнин јанына ҝәләҹәкләр.+
13 Өлкә өз сакинләри уҹбатындан,Онларын әмәлләри уҹбатындан хараба галаҹаг.
14 Мешәдә тәнһа јашајан, мејвә бағында сакин олан халгыны,Ирсин олан сүрүнү чомағынла отар.+
Гој онлар кечмишдә олдуғу кими, Башанда вә Ҝиладда отласынлар.+
15 «Мисир дијарындан чыхдығыныз ҝүнләрдәки кими,Сизә мөҹүзәләр ҝөстәрәҹәјәм.+
16 Халглар нә гәдәр гүдрәтли олсалар да, буну ҝөрүб хәҹил олаҹаглар.+
Әлләри илә ағызларыны өртәҹәкләр,Гулаглары кар олаҹаг.
17 Онлар илан кими торпаг јалајаҹаг,+Сүрүнәнләр кими әсә-әсә галаларындан чыхаҹаглар.
Онлар Јеһова Аллаһдан горхаҹаглар,Әсә-әсә һүзуруна ҝәләҹәкләр».+
18 Ирсиндән сағ галанларын+ ҝүнаһыны бағышлајан,Асилијини әфв едән Сәнин кими Аллаһ вармы?+
Гәзәбин әбәди сүрмәз,Чүнки мәһәббәт* ҝөстәрмәк Сәнә хошдур.+
19 Сән јенә бизә рәһм едәҹәксән,+ тәгсирләримизә галиб ҝәләҹәксән*.
Бүтүн ҝүнаһларымызы дәнизин дибинә атаҹагсан.+
20 Гәдимдә ата-бабаларымыза сөз вердијин кими,+Јагуба сәдагәт,Ибраһимә мәһәббәт ҝөстәрәҹәксән.
Һашијәләр
^ Диҝәр вариант: фәрман узагда олаҹаг.
^ Фәрат чајы.
^ Ибр. хесед. Лүғәтдә «хесед» сөзүнә бах.
^ Јахуд тәгсирләримизи тапдалајаҹагсан; рам едәҹәксән.
