Һизгијал 15:1—8
-
Јерусәлим јарарсыз мејнәдир (1—8)
15 Мәнә јенә Јеһованын сөзү назил олду:
2 «Еј бәни-адәм, ахы мешә ағаҹлары илә, һәтта ағаҹларын будаглары илә мүгајисәдә мејнә нәдир?
3 Һеч ондан бир ишә јарајан чубуг чыхар? Ким бир шеј асмаг үчүн ондан асгы дүзәлдәр?
4 Ону одун кими оҹаға атырлар. Уҹлары од тутуб јаныр, ортасыны алов гарсыдыр. Инди о, һансыса ишә јарајыр?
5 Һәлә саламат икән һеч бир ишә јарамырдыса, алов ону гарсыдыб јандырандан сонра нә ишә јарајаҹаг?»
6 «Одур ки, Күлли-Ихтијар Јеһова белә дејир: “Неҹә ки мешә ағаҹлары ичиндән мејнәни оҹаға атмаг үчүн вермишәм, Јерусәлим әһли илә дә ејни шеји едәҹәјәм.+
7 Үзүм онлардан дөнәҹәк. Бахма ки, аловдан ҹанларыны гуртарыблар, јенә дә ахырларына алов чыхаҹаг. Үзүм онлардан дөнәндә биләҹәксиниз ки, Мән Јеһовајам”».+
8 «Күлли-Ихтијар Јеһова белә бәјан едир: “Хәјанәткарлыгларына ҝөрә+ өлкәни харабазара дөндәрәҹәјәм”».+
