Һизгијал 5:1—17
5 Еј бәни-адәм, өзүнә бир ити гылынҹ ҝөтүр. Ондан дәлләк үлҝүҹү кими истифадә едәҹәксән. Сачыны, саггалыны гырх. Сонра исә тәрәзи ҝөтүр вә түкләри чәкиб үч һиссәјә бөл.
2 Мүһасирә ҝүнләринин ахырында түкләрин бир һиссәсини шәһәрин ичиндә јандыр.+ Сонра о бири һиссәни ҝөтүр вә шәһәрин әтрафында гылынҹла кәсиб-доғра,+ ахырынҹы һиссәни исә күләјә вер, Мән дә гылынҹымы гынындан чыхарыб онларын архасынҹа ҝөндәрәҹәјәм.+
3 Һәмчинин ахырынҹы һиссәдән бир аз түк ҝөтүрүб палтарынын әтәјинә бүк.
4 Бир аз да ҝөтүр, ода атыб јандыр. Бу одун алову бүтүн Исраил евинә јајылаҹаг.+
5 Күлли-Ихтијар Јеһова белә дејир: “Бу, Јерусәлимдир. Ону халгларын арасында, өлкәләрин әһатәсиндә јерләшдирдим.
6 О исә Мәним һөкмләримә, ганунларыма гаршы үсјан етди, башга халглардан, чеврәсиндәки өлкәләрдән бешбетәр һәрәкәт етди.+ Онлар Мәним һөкмләрими рәдд етдиләр, ганунларыма әмәл етмәдиләр”.
7 Буна ҝөрә дә Күлли-Ихтијар Јеһова дејир: “Сән ки бүтүн халглардан даһа чох азғынлыг едиб ганунларымла ҝетмәдин, һөкмләримә әмәл етмәдин, әксинә, әтрафындакы халгларын һөкмләрини јеринә јетирдин,+
8 инди ешит Күлли-Ихтијар Јеһова нә дејир: “Будур, әлим сәнә гаршы галхыб, еј шәһәр!+ Халгларын ҝөзү гаршысында сәнин әлејһинә чыхардығым һөкмү иҹра едәҹәјәм.+
9 Бүтүн ијрәнҹ әмәлләринә ҝөрә сәни елә ҝүнә гојаҹағам ки, белә шеји нә әввәлләр етмишәм, нә дә бундан сонра едәҹәјәм.+
10 Аталар оғулларыны, оғуллар аталарыны јејәҹәк.+ Сәнин үзәриндә һөкмүмү иҹра едәҹәјәм, сағ галанларыны исә дөрд бир јана сәпәләјәҹәјәм”.+
11 “Буна ҝөрә дә Күлли-Ихтијар Јеһова белә дејир: “Ијрәнҹ бүтләринизлә, мурдар әмәлләринизлә мүгәддәс мәканымы ләкәләдијиниз үчүн,+ анд олсун варлығыма, Мән дә сизи рәдд едәҹәјәм, сизә јазығым ҝәлмәјәҹәк, рәһм етмәјәҹәјәм.+
12 Бир гисминиз хәстәликдән вә аҹлыгдан гырылаҹаг. Диҝәр гисминиз шәһәрдән кәнарда гылынҹдан кечириләҹәк.+ Јердә галанлары исә дөрд бир јана сәпәләјәҹәјәм, гылынҹымы гынындан чыхарыб архаларынҹа ҝөндәрәҹәјәм.+
13 Онда һирсим јатаҹаг, онда гәзәбим сојујаҹаг, онда Мән сакитләшәҹәјәм.+ Гејзими онларын үстүнә төкүб гуртаранда биләҹәкләр ки, Мән Јеһова там сәдагәт тәләб едирдим.+
14 Сәни харабазара чевирәҹәјәм, әтраф халгларын, өтүб кечәнләрин ҝөзүндә хар едәҹәјәм.+
15 Гејз-гәзәбими үстүнә төкәндә, сәнә шиддәтли ҹәза вериб үзәриндә һөкмүмү иҹра едәндә әтраф халгларын ичиндә рүсвај олуб нифрәт һәдәфинә чевриләҹәксән,+ онлар сәнә бахыб дәһшәтә ҝәләҹәк, башына ҝәләнләрдән ибрәт дәрси ҝөтүрәҹәк. Буну Мән Јеһова дејирәм.
16 Онларын үстүнә аҹлығын өлдүрүҹү охларыны јағдыраҹағам. Јағдырдығым охлар ахырыныза чыхаҹаг.+ Әрзаг еһтијатынызы мәһв едиб аҹлығы даһа да шиддәтләндирәҹәјәм.+
17 Аҹлығын далынҹа вәһши һејванлар ҝөндәрәҹәјәм,+ онлар сизи ушагсыз гојаҹаглар. Хәстәлик ҹанынызы үзәҹәк, ган су јеринә ахаҹаг, сизи гылынҹа јем едәҹәјәм.+ Буну Мән Јеһова дејирәм”».
