Һушә 12:1—14
12 «Әфраим күләклә гидаланыр,
Бүтүн ҝүнү шәрг күләји далынҹа гачыр.
Јаланы, зүлмү артырыр.
Ашшурла әһд бағлајыр,+ Мисирә јағ ҝөндәрир.+
2 Јеһова Јәһуда илә һагг-һесаб чәкәҹәк.+О, Јагубдан ҝетдији јоллара ҝөрә һесабат тәләб едәҹәк,Әмәлләринин әвәзини верәҹәк.+
3 О, һәлә ана бәтниндә икән гардашынын топуғундан тутду.+Вар ҝүҹү илә Аллаһла чарпышды.+
4 Мәләклә чарпышды вә она үстүн ҝәлди.
Онун лүтфүнү алмаг үчүн ағлајыб јалварды».+
Аллаһ ону Бејтелдә тапды вә орада бизимлә данышды.+
5 О, ордулар Аллаһы Јеһовадыр,+О, Јеһова ады илә анылыр.+
6 «Одур ки, сән өз Аллаһына тәрәф дөн,+Хејирхаһлыға, әдаләтә бағлан.+Һәмишә үмидини Аллаһына бағла.
7 Таҹирин әлиндәки тәрәзи алдадыр,О, һәлләм-гәлләмлији севир.+
8 Әфраим дејир: “Әҹәб варландым,+Сәрвәт топладым.+
Чох әлләшдим, бүтүн бу зәһмәтимдә нә бир сәһв, нә бир ҝүнаһ тапылмајаҹаг”.
9 Мән Јеһова һәлә Мисир дијарындан сәнин Аллаһынам.+
Тәјин едилмиш ҝүнләрдә* олдуғу кимиСәни јенә чадырларда мәскунлашдыраҹағам.
10 Мән пејғәмбәрләрлә данышдым,+Чохлу вәһјләр вердим,Пејғәмбәрләр васитәсилә мәсәлләр чәкдим.
11 Ҝиладда фырылдаг+ вә јалан вар.
Ҝилгалда буғалар гурбан ҝәтирилир.+Онларын гурбанҝаһлары шумланмыш саһәдәки даш галағына бәнзәјир.+
12 Јагуб Арам торпағына+ гачды,Исраил+ арвад алмаг үчүн нөкәрчилик етди,+Арваддан өтрү гојун отарды.+
13 Јеһова пејғәмбәр васитәсилә Исраили Мисирдән чыхартды,+Пејғәмбәр васитәсилә ону горуду.+
14 Әфраим Аллаһы бәрк инҹитди,+Төкдүјү ганлар онун бојнундадыр,Онун Саһиби биабырчылығынын әвәзини она верәҹәк».+
Һашијәләр
^ Диҝәр вариант: бајрам ҝүнләриндә.
