Һушә 14:1—9
14 «Аллаһын Јеһоваја сары дөн, еј Исраил!+Ахы сән ҝүнаһларына ҝөрә бүдрәдин.
2 Бу сөзләрлә Јеһоваја сары дөнүн,Она белә дејин: “Ҝүнаһларымызы бағышла,+ савабларымызы гәбул ет,Әвәзиндә Сәнә дилимизин мәдһләрини + буға гурбанлары кими тәгдим едәҹәјик.
3 Ашшур бизи хилас етмәјәҹәк,+
Атлары чапмајаҹағыг,+Даһа әлләримизин ишинә: “Еј Аллаһымыз!” — демәјәҹәјик.Чүнки Сән јетимә мәрһәмәт ҝөстәрирсән”.+
4 Мән онлары хәјанәт азарындан сағалдаҹағам.+
Көнлүм онлары севәҹәк,+Чүнки онлара гаршы гәзәбим кечди.+
5 Мән Исраил үчүн бир шәбнәм олаҹағам,О, занбаг кими чичәк ачаҹаг,Ливан ағаҹларытәк көк салаҹаг,
6 Гол-будаг атаҹаг,Ҹалалы зејтун ағаҹынын ҹалалытәк олаҹаг,Ливан кими әтир сачаҹаг.
7 Онлар јенә дә онун көлҝәсиндә мәскән салаҹаглар,
Буғда јетишдирәҹәк, мејнә кими тумурҹуглајаҹаглар.+
Онун шөһрәти Ливан шәрабы кими олаҹаг.
8 Әфраим дејәҹәк: “Даһа бу бүтләр нәјимә ҝәрәкдир?”+
Мән она ҹаваб верәҹәјәм, ҝөзүм үстүндә олаҹаг.+
Сых јарпаглы ардыҹ ағаҹытәк олаҹағам,
Сизин үчүн бар ҝәтирәҹәјәм».
9 Һикмәтли кимдир? Гој бунлары баша дүшсүн.
Ағыллы кимдир? Гој бунлары билсин.
Ахы Јеһованын јоллары дүздүр,+Салеһләр о јолларла ҝедәҹәк.Гануну позанларса о јолларда бүдрәјәҹәк.
