Һушә 6:1—11
6 «Ҝәлин Јеһоваја сары гајыдаг,О, бизи парчалады,+ О да бизә шәфа верәҹәк,
О, бизи јаралады, О да јараларымызы сарыјаҹаг.
2 О, ики ҝүндән сонра бизи дирчәлдәҹәк.
Үчүнҹү ҝүн ајаға галдыраҹагБиз Онун һүзурунда јашајаҹағыг.
3 Ҝәлин Јеһованы таныјаг, Ону танымаға ҹан атаг.
О, сүбһ шәфәги кими чыхаҹаг, һөкмән чыхаҹаг.О, бизә тәрәф лејсан кими,Торпағы дојуран јаз јағышы кими ҝәләҹәк».
4 «Еј Әфраим, сәнинлә нә едим?
Еј Јәһуда, бәс сәнинлә нә едим?
Ахы хејирхаһлығыныз сәһәр думанына бәнзәјир,Шеһ кими тез јох олур.
5 Буна ҝөрә онлары пејғәмбәрләр васитәсилә сарсыдаҹағам,+Ағзымдан чыхан сөзләрлә өлдүрәҹәјәм.+
Һөкмләр үзәриниздә ишыг кими парлајаҹаг.+
6 Чүнки Мәнә гурбан јох, хејирхаһлыг* хошдур,Јандырма гурбанындан чох Аллаһы танымағыныз хошдур.+
7 Онлар исә фани инсан олдуглары үчүн әһди поздулар,+
Орада Мәнә хәјанәт етдиләр.
8 Ҝилад шәр адамлар шәһәридир,+Ора башдан-баша ганлы ајаг изләридир.+
9 Каһин дәстәси адам сојмаг үчүн пусгу гуран гулдур дәстәси кимидир.
Сиһама+ ҝедән јолда гәтл төрәдирләр,Чүнки абыр-һәјаларыны итирибләр.
10 Исраил евиндә дәһшәтли бир шеј ҝөрдүм.
Әфраим орада фаһишәлик едир.+Исраил өзүнү мурдарлајыб.+
11 Еј Јәһуда, сәнин бичин ҝүнүн тәјин едилиб,О заман халгымы әсирликдән гајтараҹағам».+
Һашијәләр
^ Јахуд мәрһәмәт.
