Һушә 9:1—17
9 «Севинмә, еј Исраил!+Диҝәр халглар кими шадланма!
Фаһишәлијинә ҝөрә Аллаһындан узаглашдын.+
Бүтүн хырманларда фаһишә муздуна мејил салдын.+
2 Хырман вә үзүмсыхан онлары дојурмајаҹаг,Тәзә шәраблары олмајаҹаг.+
3 Даһа Јеһованын торпағында јашамајаҹаглар,+Әфраим Мисирә гајыдаҹаг,Ашшурда һарам шејләр јејәҹәк.+
4 Артыг Јеһоваја шәраб тәгдимәси ҝәтирмәјәҹәкләр,+Гурбанлары Она хош олмајаҹаг.+
Онлар јас јемәјинә бәнзәјирләр.Ондан јејәнләр өзләрини мурдар едәҹәкләр.
Чүнки јемәкләри анҹаг өз гарынлары үчүндүр,О јемәкләр Јеһованын евинә ҝирмәјәҹәк.
5 Бәс сиз топланты ҝүнүндә,Јеһованын бајрам ҝүнүндә нә едәҹәксиниз?
6 Онлар мәһв әлиндән гачаҹаглар.+
Мисир онлары топлајаҹаг,+ Мемфис басдыраҹаг.+
Ҝүмүш хәзинәләри ҝиҹиткән колларына нәсиб олаҹаг,Чадырларында тикан-гангал битәҹәк.
7 Ҹәза ҝүнләри ҝәлир,+Гисас ҝүнләри јетишир.Гој Исраил буну билсин!
Онларын пејғәмбәри ағылсыз, вәһј ҝөрәни дәли олаҹаг,Чүнки ҝүнаһын болдур вә сәнә гаршы әдавәт чохдур».
8 Әфраимин ҝөзәтчиси+ Аллаһымла бирҝә иди.+
Лакин инди пејғәмбәрләринин+ јоллары гуш овлајанын торуна бәнзәјир.Аллаһын евиндә әдавәт апарырлар.
9 Ҝибаһын вахтында олдуғу кими, онлар азғынлашыб башларына мәһв ҝәтирдиләр.+
О, онларын тәгсирини јада салаҹаг, ҝүнаһларына ҝөрә ҹәза верәҹәк.+
10 «Мән Исраили сәһрада үзүм тапантәк тапдым.+
Ата-бабаларыныз ҝөзүмдә әнҹир ағаҹындакы нүбар кими иди.
Амма онлар Фаур Баалынын јанына ҝетдиләр,+Өзләрини бу рәзил бүтә һәср етдиләр.+Өзләри дә севдикләри бүт кими ијрәнҹ олдулар.
11 Әфраимин ҹалалы гуш кими учуб ҝедир.Нә доғум, нә һамиләлик, нә дә мајаланма вар.+
12 Өвладларыны боја-баша чатдырсалар да,Әлләриндән алаҹағам, бир адам да галмајаҹаг.+Мән онлардан үз чевирәҹәјәм; вај онларын һалына!+
13 Чәмәнликдә әкилмиш Әфраим ҝөзүмдә Сур+ кими иди.Амма Әфраим өз оғулларыны гырғына верәҹәк».
14 Еј Јеһова, онлара нә верәҹәксән, вер.Онлара ушаг сахламајан бәтн, сүдсүз дөшләр вер.
15 «Онлар бүтүн пис әмәлләрини Ҝилгалда етдиләр,+ орада онлара нифрәт етдим.
Шәр әмәлләринә ҝөрә онлары евимдән говаҹағам.+
Даһа онлары севмәјәҹәјәм,+Бүтүн башчылары тәрсдир.
16 Әфраим јерә вурулаҹаг.+
Онларын көкү гурујаҹаг, бәһрә вермәјәҹәк.
Доғсалар да, бәтнләринин ширин бәһрәсини өлүмүн ағушуна атаҹағам».
17 Аллаһым онлары рәдд едәҹәк,Чүнки Она гулаг асмадылар.+Онлар халглар арасында дидәрҝин галаҹаглар.+
