Әбдија 1:1—21
1 Әбдијаја* назил олан вәһј.
Күлли-Ихтијар Јеһова Әдум барәдә белә дејир:+
«Бизә Јеһовадан хәбәр ҝәлди.Елчи халглара бу хәбәри ҝәтирди:
“Галхын, онунла дөјүшә һазырлашаг!”»+
2 «Бах, сәни халглар арасында кичилтдим.Сәнә һәдсиз һәгарәт едилир.+
3 Еј гаја ојугларында,Еј дағларын башында јашајан,Үрәјинин тәкәббүрү сәни алдатды!+Үрәјиндә дедин: “Ким мәни јерә сала биләр?”
4 Гартал кими јүксәкләрдә мәскән салсан* белә,Јуваны улдузлар арасында гурсан белә,Јенә дә сәни јерә салаҹағам», — Јеһова бәјан едир.
5 «Әҝәр ҝеҹә оғру-гулдур ҝәлсәјди,(Сән бүсбүтүн мәһв олардын!*)
Тәкҹә истәдијини апармазды?
Үзүм јығанлар ҝәлсәјди,Бир нечә салхым сахламазды?+
6 Ај аман, Ејс әләк-вәләк едилди!
Ҝизли хәзинәләри талан едилди!
7 Сәни сәрһәдәдәк говдулар.
Сәнин мүттәфигләрин сәни алдатды,
Сәнинлә сүлһдә оланлар сәни үстәләди.
Сәнинлә чөрәк кәсәнләр ајағынын алтыны газаҹаг,Лакин сән буну анламајаҹагсан».
8 Јеһова бәјан едир: «Мән о ҝүнӘдумун+ һикмәтли адамларыны,Ејсин дағлыг бөлҝәсиндә агилләри мәһв едәҹәјәм!
9 Еј Тәһман+, иҝидләрин дәһшәтә ҝәләҹәк,+Чүнки Ејсин дағлыг бөлҝәсиндә һәр кәс гәтл едиләҹәк.+
10 Гардашын Јагуба едилмиш зоракылыға ҝөрә+Сән бүсбүтүн рүсвај олаҹагсан,+Әбәдилик јох олаҹагсан.+
11 Јаделлиләр онун ордусуну әсир аланда,+Јадлар дарвазалардан ичәри ҝириб Јерусәлимдән өтрү пүшк атанда,+О ҝүн сән кәнарда дуруб бахырдын,Сән дә онлар кими идин.
12 Сән гардашынын ҝүнүнә, онун гара ҝүнүнә неҹә севинә билдин?+Јәһуда халгынын гәтл ҝүнүнә неҹә шадлана билдин?+Онларын бәла ҝүнүндә неҹә ловға-ловға даныша билдин?
13 Халгымын фәлакәт ҝүнүндә онун дарвазаларындан неҹә ичәри ҝирә билдин?+Халгымын фәлакәт ҝүнүндә онун бәдбәхтлијинә неҹә севинә билдин?Халгымын фәлакәт ҝүнүндә онун сәрвәтинә неҹә әл узада билдин?+
14 Гачанлары гырмаг үчүн јол ајрыҹында неҹә дура билдин?+Бәла ҝүнүндә гуртуланлары дүшмәнә неҹә тәслим едә билдин?+
15 Јеһованын бүтүн халгларын үстүнә галхаҹағы ҝүн јахындыр.+
Сән нә етдинсә, сәнә дә ону едәҹәкләр.+
Башгаларына етдијин өз башына ҝәләҹәк.
16 Сиз мүгәддәс дағымда шәраб ичдијиниз кими,Бүтүн халглар да дурмадан гәзәбими ичәҹәкләр,+
Башларына чәкиб ичәҹәк вә ит-бат олаҹаглар,Санки, һеч вахт олмајыблар.
17 Гуртуланлар исә Сион дағында олаҹаглар,+Ора мүгәддәс олаҹаг.+Јагуб еви мал-мүлкүнә саһиб олаҹаг.+
18 Јагуб еви од,Јусиф еви алов олаҹаг,Ејс еви исә күләш.Онлар ону јандырыб күлә дөндәрәҹәк.Ејс евиндән һеч ким сағ галмајаҹаг,+Чүнки буну Јеһова сөјләди.
19 Онлар Неҝевә, Ејсин дағлыг бөлҝәсинә+,Шәфлаја вә филиштлиләрин* торпагларына+ саһиб олаҹаглар.
Һәм дә Әфраимлә Сәмәријјә торпагларына+ саһиб олаҹаглар.Бинјамин исә Ҝилад торпагларына саһиб олаҹаг.
20 Сәддин архасындан сүрҝүн едилмиш+ исраиллиләрКәнаниләрин Сарфата гәдәр узанан торпагларына јијәләнәҹәкләр.+
Јерусәлимдән сүрҝүн едилиб Сәфрадда оланлар Неҝевин шәһәрләрини тутаҹаглар.+
21 Хиласкарлар Ејсин дағлыг бөлҝәсини мәһкум етмәк+ үчүнСион дағына галхаҹаг.Һакимијјәт Јеһоваја мәхсус олаҹаг».+
Һашијәләр
^ Мәнасы: Јеһованын гулу.
^ Диҝәр вариант: учсан.
^ Диҝәр вариант: нә гәдәр шеј мәһв едәрди?
^ Бәзи мәнбәләрә әсасән, филистимлиләр.
