Әшија 21:1—17
21 Дәниз сәһрасына гаршы һөкм:+
Сәһрадан, дәһшәтли өлкәдән елә бир фәлакәт ҝәлир ки,Санки, ҹәнубу сүпүрән туфандыр.+
2 Мәнә дәһшәтли вәһј назил олду:
Хаин хаинлик едир,Виранчы виранчылыг.
Һајды, Елам, ирәли! Һајды, Мада*, һүҹума!+
Онун баис олдуғу фәрјадлара сон гојаҹағам.+
3 Одур ки, ҝүҹлү ағры ичиндәјәм.+
Тамам гыҹ олмушам,Доған гадына бәнзәјирәм.
Дәрд әлиндән һеч нә ешитмирәм,Һәјәҹандан һеч нә ҝөрмүрәм.
4 Үрәјим чырпыныр, горхудан әсим-әсим әсирәм.
Көнлүмү охшајан алагаранлыг инди мәни горхудур.
5 Сүфрәни ачын, јерләри һазырлајын!
Јејин, ичин!+
Еј бәјләр, дурун, галханлара јағ чәкин!
6 Јеһова мәнә белә деди:
«Ҝет, ҝөзәтчи гој. Гој ҝөрдүкләрини хәбәр версин».
7 О, ҹәнҝ арабалары ҝөрдү; бирини атлар чәкирди,Бирини ешшәкләр,Бирини дәвәләр.
О, ҝөзүнү зилләјиб диггәтлә бахырды.
8 Сонра аслан кими, бағырды:
«Еј Јеһова, ҝүндүзләр ҝөзәтчи гүлләсиндә дурурам,Ҝеҹәләри јеримдән тәрпәнмирәм.+
9 Бах ҝәлир:
Атлар гошулмуш ҹәнҝ арабасында адамлар!»+
Сонра о ҹар чәкди:
«Јыхылды! Бабил јыхылды!+
Аллаһларынын бүтүн ојма бүтләри дүшүб парча-парча олду!»+
10 Еј тахыл кими дөјүлмүш халгым!Еј хырманымын өвладлары!+Исраилин Аллаһы, ордулар Аллаһы Јеһовадан ешитдикләрими сизә билдирдим.
11 Думаһа* гаршы һөкм:
Бир нәфәр Саирдән+ мәни сәсләјир:
«Ај ҝөзәтчи, бу ҝеҹә нә олду?
Ај ҝөзәтчи, бу ҝеҹә нә олду?»
12 Ҝөзәтчи сөјләди:
«Сәһәрин ачылмағына аз галыб, јенә ҝеҹә олаҹаг.
Нәсә сорушмаг истәсәниз, сорушун.
Јенә ҝәлин!»
13 Сәһраја гаршы һөкм:
Еј Дидан+ карванлары,Бијабандакы мешәликдә ҝеҹәләјәҹәксиниз.
14 Сусајанлары гаршылајын, онлара су ҝәтирин.Еј Тәма+ сакинләри,Гачгынлара чөрәк ҝәтирин.
15 Чүнки онлар гылынҹдан, сијрилмиш гылынҹдан,Ҝәрилмиш јај-камандан, гызғын дөјүшдән гачыблар.
16 Јеһова мәнә белә деди: «Муздурун илләри илә сајсаг, бир илин ичиндә Гәдарын+ еһтишамы јох олаҹаг.
17 Гәдар охчуларындан, ҹәнҝавәрләрдән аз адам галаҹаг. Буну Исраилин Аллаһы Јеһова деди».
