Әшија 22:1—25
22 Вәһј дәрәси* барәдә һөкм:+
Нә олуб, нијә һамыныз дама чыхмысыныз?
2 Сән ки ҝурултулу,Һајлы-күјлү, бүсатлы бир шәһәр идин.
Һәлак оланларын гылынҹдан өлмәди,Дөјүшдә мәһв олмады.+
3 Залым башчыларын һамысы бирҝә гачды.+
Онлары ох-камансыз әсир ҝөтүрдүләр.
Әлә кечәнләрин һамысы әсир ҝөтүрүлдү,+Һәрчәнд узаға гачмышдылар.
4 Буна ҝөрә дедим: «Бахмајын мәнә,Гојун аҹы-аҹы ағлајым.+
Мәни овундурмајын,Чүнки халгым тар-мар олуб.+
5 Бу ҝүн Вәһј дәрәсиндәКүлли-Ихтијар, ордулар Аллаһы ЈеһоваданЧашгынлыг, мәғлубијјәт, вурнухма ҝүнүдүр.+
Диварлар јыхылыр,+Гышгырыг сәси дағлара галхыр.
6 Елам+ охданыны, атларыны,Ҹәнҝ арабаларыны ҝөтүрүб.Ҝираһ+ галханыны һазыр тутуб.
7 Ән ҝөзәл дүзләринҸәнҝ арабалары илә долаҹаг,Дарвазаларын гаршысында атлар дүзүләҹәк.
8 Јәһуданын пәрдәси* ҝөтүрүлдү.
О ҝүн сиз “Мешә еви”+ дејилән силаһ анбарына тәрәф бахаҹагсыныз.
9 Ҝөрәҹәксиниз ки, Давуд шәһәринин диварлары дешик-дешикдир.+ Ашағы чарһовуза+ су јығаҹагсыныз.
10 Јерусәлимдәки евләри сајаҹаг, онлары учураҹагсыныз ки, дивары бәркидәсиниз.
11 Көһнә чарһовузун сују үчүн ики дивар арасында су анбары дүзәлдәҹәксиниз. Лакин ону дүзәлдән Улу Јарадана бахмајаҹагсыныз, буну чохдан һазырлајаны ҝөрмәјәҹәксиниз.
12 О ҝүн Күлли-Ихтијар, ордулар Аллаһы ЈеһоваСизә ағлајыб јас тутмағы,+Башынызы даз гырхыб чула бүрүнмәји бујураҹаг.
13 Лакин бунун әксинә, шәнлик, бүсат едилир,Мал-гара, гојун-гузу кәсилир,Әт јејилиб, шәраб ичилир,+
“Ҝәлин јејиб-ичәк, онсуз да сабаһ өләҹәјик”».+
14 Сонра ордулар Аллаһы Јеһова бу шеји мәнә ачды: «“Бу ҝүнаһын сиз өләнәдәк кәффарәси олмајаҹаг”,+ — дејир Күлли-Ихтијар, ордулар Аллаһы Јеһова».
15 Күлли-Ихтијар, ордулар Аллаһы Јеһова дејир: «Дур, ешикағасы Сәбнанын+ јанына ҝедиб она де ки,
16 “Сәнин бурада нә ишин вар? Сән нә ихтијарла бурада өзүнә сәрдабә ојурсан?” О өзү үчүн јүксәк јердә сәрдабә дүзәлдир, гајада мәскән ојур.
17 “Ај киши, бах Јеһова сәни шиддәтлә ашағы туллајаҹаг. Сәни тутаҹаг,
18 бәрк-бәрк бүкүб топ кими ҝен бир дијара атаҹаг. Орада өләҹәксән, өјүндүјүн арабалар орада галыб ағанын еви үчүн биабырчылыг олаҹаг.
19 Сәни вәзифәндән атаҹағам, мөвгејиндән салаҹағам.
20 О ҝүн гулум Хилгијјә оғлу Әлјакими+ чағыраҹағам,
21 сәнин либасыны она ҝејиндирәҹәјәм, кәмәрини онун белинә бағлајаҹағам,+ сәнин сәлаһијјәтини она верәҹәјәм. О, Јерусәлим әһлинә, Јәһуда евинә ата олаҹаг.
22 Давуд евинин ачарыны+ онун чијнинә тахаҹағам. Онун ачдығыны бағлајан, бағладығыны ачан олмајаҹаг.
23 Мән ону мых кими бәрк јерә чалаҹағам. О, атасы еви үчүн шөһрәт тахты олаҹаг.
24 Атасы евинин бүтүн шан-шөвкәти, нәсли вә өвладлары — балаҹа габлар, касалар вә бөјүк күпләр — һамысы ондан асылаҹаг”.
25 Ордулар Аллаһы Јеһова бәјан едир: “О ҝүн бәрк јерә чалынмыш мых кәнар едиләҹәк,+ кәсилиб дүшәҹәк вә ондан асылмыш һәр шеј дүшүб сынаҹаг. Буну Јеһованын Өзү дејир”».
