Әшија 24:1—23
24 Будур! Јеһова дијары бомбош гојуб виранәјә дөндәрир,+
Алтыны үстүнә чевирир,+ сакинләрини пәрән-пәрән салыр.+
2 Бу, һамынын башына ҝәләҹәк —
Халгын да, каһинин дә,Нөкәрин дә, ағанын да,Гарабашын да, ханымын да,Алыҹынын да, сатыҹынын да,Борҹ верәнин дә, борҹ аланын да,Сәләмчинин дә, сәләм өдәјәнин дә.+
3 Өлкә бүсбүтүн бошалаҹаг,Тамамилә таланаҹаг,+Бу сөз Јеһованын ағзындан чыхыб.
4 Өлкә јаса бүрүнүб*,+ созалыб ҝедир.
Торпаг саралыб-солур.
Өлкәнин адлы-санлы адамлары солухур.
5 Сакинләр өлкәни мурдарлады,+Гануну тапдалады,+Гајдалары дәјишди,+Даими әһди позду.+
6 Буна ҝөрә ләнәт өлкәни мәһв едир,+Сакинләри тәгсиркардыр.
Буна ҝөрә өлкәнин сакинләри азалды,Бир овуҹ инсан галды.+
7 Тәзә шәраб һүзн чәкир*, мејнә солур,+Фәрәһлә ҹошан үрәкләр инди инләјир.+
8 Шән гаваллар сусуб,Шәнлик сәсләри кәсилиб,Чәнҝин хош авазы ешидилмир.+
9 Меј мәҹлисләри нәғмәсиз кечир,Ичкинин дады ичәнә аҹы ҝәлир.
10 Бомбош галмыш шәһәр харабазара дөнүб,+Бүтүн евләр гыфыллыдыр, ҝирмәк олмур.
11 Күчәләрдә гышгырыб шәраб истәјирләр.
Севинҹдән әсәр-әламәт галмајыб,Шәнлик өлкәдән үз дөндәриб.+
12 Шәһәр виранә галыб,Дарвазалар дармадағын олуб.+
13 Зејтун ағаҹы дөјүләндән сонра неҹә олурса,+
Јығымдан сонра мејнәдә неҹә тәк-түк үзүм галырса,Дүнјада, халглар арасында галанлар да елә олаҹаг.+
14 Онлар һајгыраҹаг,Севинҹдән һарај салаҹаглар.
Дәниздән* Јеһованын әзәмәтини бәјан едәҹәкләр.+
15 Буна ҝөрә нур дијарында* Јеһованы мәдһ едәҹәкләр,+Дәниздәки адаларда Исраилин Аллаһы Јеһованын адыны уҹалдаҹаглар.+
16 Дүнјанын һүдудларындан нәғмәләр ешидилир:
«Һагг Саһибинә ешг олсун!»+
Мән исә дејирәм: «Үзүлмүшәм, үзүлмушәм!
Вај мәним һалыма! Хаинләр хәјанәт едир.Бәли, хаинләр хаинҹәсинә хәјанәт едир».+
17 Еј бу дијарын сакини, сәни дәһшәт, чала, тәлә ҝөзләјир.+
18 Дәһшәт сәсиндән гачан чалаја дүшәҹәк,Чаладан чыхан тәләјә дүшәҹәк,+
Чүнки ҝөјүн бәндләри ачылаҹаг,Јерин өзүлләри титрәјәҹәк.
19 Јер јарылыб,Ләрзәјә дүшүб,Бәрк силкәләнир.+
20 Јер сәрхош кими сәндәләјир,Ҝөзәтчи чардағытәк, санки, күләкдән јырғаланыр.
Асилији ағыр јүк кими ону әзир,+О чөкәҹәк, бир дә галха билмәјәҹәк.
21 О ҝүн Јеһова ҝөјдә — ҝөјдәки ордуну,Јердә — јердәки падшаһлары ҹәзаландыраҹаг.
22 Онлары чаладакы мәһбуслар кими,Бир јерә јығыбЗиндана атаҹаглар.Хејли мүддәт сонра јохланаҹаглар.
23 Бәдирләнмиш ај хәҹаләт чәкәҹәк,Парлаг ҝүнәш утанаҹаг,+Чүнки ордулар Аллаһы Јеһова Сион+ дағында, Јерусәлимдә,Халгынын ағсаггаллары гаршысында шанлы+ падшаһ олду!+
