Әшија 49:1—26
49 Еј адалар, Мәни динләјин,Еј узаг елләр, Мәнә диггәт верин!+
Мән һәлә доғулмамыш Јеһова мәни чағырды.+
Мән һәлә анамын бәтниндә икән О, адымы чәкди.
2 О, дилими* ити гылынҹтәк етди;Мәни әлинин көлҝәсиндә ҝизләтди.+
О, мәни ҹилаланмыш ох етди,Охданында ҝизләтди.
3 Мәнә деди: «Еј Исраил, сән Мәним гулумсан,+Сәнин үзәриндә ҹалалымы ҝөстәрәҹәјәм».+
4 Мән дедим: «Бош јерә зәһмәт чәкмишәм.
Ҝүҹүмү һеч нәјә, һәдәр јерә сәрф етмишәм.
Анҹаг мәним һакимим Јеһовадыр,Һаггымы Аллаһым верәҹәк».+
5 Инди исә анамын бәтниндә мәнә шәкил вериб өз гулу едән ЈеһоваМәнә Јагубу ҝери гајтармағы бујуруб ки,Исраил Онун јанына топлашсын.+
Мән Јеһованын ҝөзүндә шан-шөһрәтә јүксәләҹәјәм,Аллаһым мәним гүввәтим олаҹаг.
6 О деди: «Јагубун гәбиләләрини ајаға галдырмаг,Исраилдән сағ галанлары ҝери ҝәтирмәк үчүнГулум олмағын кифајәт дејил.
Сәни һәм дә халглар үчүн нур етмишәм ки,+Вердијим ниҹат јерин нәһајәтләринә кими јетишсин».+
7 Һөкмдарларын гулу олан, инсанларын һәгарәт етдији,+ халгын нифрәт бәсләдији шәхсә Исраилин Гуртарыҹысы вә Мүгәддәси+ Јеһова дејир:
«Сәни сечмиш Исраилин Мүгәддәсинә,+Садиг Аллаһ Јеһоваја ҝөрә+Падшаһлар ҝөрдүкләри гаршысында ајаға галхаҹаг,Әјанлар диз чөкәҹәк».
8 Јеһова белә дејир:
«Илтифат вахты сәнә ҹаваб вердим,+Хилас ҝүнү сәнә көмәк етдим.+Сәни горудум ки, сәни халг үчүн әһд едим,+Горудум ки, өлкәни дирчәлдәсән,Виран галмыш ирсләри саһибләринә гајтарасан,+
9 Мәһбуслара: “Чыхын!”,+
Зүлмәтдә оланлара:+ “Ишыға чыхын!” — дејәсән.
Онлар јоллар кәнарында отлајаҹаг,Бүтүн ҝедиш-ҝәлишли ҹығырлар* боју онлар үчүн отлаг олаҹаг.
10 Онлар аҹ, сусуз галмајаҹаглар,+Онлары гызмар ҝүнәш вурмајаҹаг,+
Чүнки онлара мәрһәмәт ҝөстәрән онлары јөнәлдәҹәк,+Онлары су гајнагларына апараҹаг.+
11 Мән бүтүн дағларымы јола дөндәрәҹәјәм,Јолларым һүндүрлүкдән кечәҹәк.+
12 Будур, узаглардан ҝәлирләр.+Кими шималдан, кими гәрбдән,Кими Синим дијарындан ҝәлир».+
13 Еј ҝөјләр, севинҹ сәдалары јүксәлдин, еј јер, шадлан!+
Гој дағлар севиниб сәсини уҹалтсын,+
Чүнки Јеһова халгына тәсәлли верди,+Мәзлум бәндәләринә мәрһәмәт ҝөстәрди.+
14 Сион исә дејирди:
«Јеһова мәни атыб,+ Јеһова мәни унудуб».+
15 Һеч ана сүдәмәр көрпәсини унудар?Мәҝәр бәтниндә дашыдығы баласына јазығы ҝәлмәз?
Ана ушағыны унутса белә, Мән сәни һеч вахт унутмарам.+
16 Бах, адыны овҹумун ичинә һәкк етдим.
Сәнин диварларын даим ҝөзүмүн габағындадыр.
17 Оғулларын јејин-јејин ҝәлир.
Сәни дағыдыб виран едәнләр сәндән кәнар олаҹаг.
18 Башыны галдырыб әтрафа бах.
Һамысы топлашыб
Јанына ҝәлир.+
Јеһова бәјан едир: «Варлығыма анд олсун,Онларла өзүнү бәзәјәҹәксән,Онлары ҝәлин кими үстүнә тахаҹагсан.
19 Бир вахт торпагларын виранә, бомбош галса да, харабалыға дөнсә дә,+Инди орада јашајанлара дарлыг едәҹәк,+Сәни тар-мар едәнләр+ сәндән узаг олаҹаг.+
20 Мәһрумијјәт дөврүндә доғулан оғуллар сәнә дејәҹәк:“Бу јер мәнә дарлыг едир,
Јашамаг үчүн бизә јер вер”.+
21 Үрәјиндә дејәҹәксән:“Бунларын атасы кимдир?Ахы мән өвладларындан мәһрум олмуш сонсуз гадынам,Сүрҝүндәјәм, мәһбусам.
Бунлары ким боја-баша чатдырыб?+
Ахы мән тәк галмышдым,+Бунлар һарадан чыхды?”»+
22 Күлли-Ихтијар Јеһова белә дејир:
«Мән әлими галдырыб халглара,Бајрағымы галдырыб үммәтләрә ишарә едәҹәјәм.+
Онлар сәнин оғулларыны гуҹагларында,Гызларыны чијинләриндә ҝәтирәҹәкләр.+
23 Падшаһлар гуллуғунда дураҹаг,+Шаһзадә гызлар сәнә дајә олаҹаг.
Онлар өнүндә үз үстә дүшүб тәзим едәҹәк,+Ајағынын тозуну јалајаҹаглар,+Онда биләҹәксән ки, Мән Јеһовајам;Мәнә тәвәккүл едәнләр хәҹил олмаз».+
24 Һеч ҝүҹлү адамын әлиндән әсирләри чыхартмаг олар?Залымын әлиндән әсирләри гуртармаг олар?
25 Јеһованын исә сөзү будур:
«Ҝүҹлүнүн белә, әлиндән әсирләр чыхарылаҹаг,+Залымын белә, әлиндән әсирләр гуртарылаҹаг.+
Сизә гәним кәсиләнләрә гәним кәсиләҹәјәм.+Сизин оғулларынызы Мән хилас едәҹәјәм.
26 Сизә зүлм едәнләрә өз бәдәнләринин әтини једирдәҹәјәм,Ширин шәраб ичмиш кими өз ганларындан сәрхош олаҹаглар.
Онда һамы биләҹәк ки, Мән Јеһовајам,+Сәнин хиласкарын+, гуртарыҹын+,Јагубун гүдрәтли Аллаһыјам».+