Әшија 5:1—30
5 Гојун севҝилимә севҝилим барәдә,Онун үзүм бағы+ барәсиндә нәғмә охујум.
Барлы-бәһәрли јамаҹда севҝилимин үзүм бағы вар иди.
2 О, торпағы белләјиб дашлардан тәмизләди.
Орада әла гырмызы үзүм әкди,Бағын ортасында бир гүллә тикди,Үзүм сыхмаг үчүн чала газды.+
Үмид едирди ки, мејнә јахшы үзүм верәҹәк,Амма мејнә ҹыр үзүм верди.+
3 «Еј Јерусәлим сакинләри, еј Јәһуда әһли,Мәнимлә үзүмлүјүм арасында һаким олун.+
4 Үзүмлүјүм үчүн еләмәдијим шеј галмады,+Башга нә едим?
Бәс нијә јахшы үзүм ҝөзләдијим јердәМәнә ҹыр үзүм верди?
5 Инди ҝәлин сизә дејимБағымла нә едәҹәјәм:
Онун чәпәрини сөкәҹәјәм,О јаныб күл олаҹаг.+
Һасарыны јыхаҹағам,Тапдаг алтында галаҹаг.
6 Ону виранәлијә чевирәҹәјәм.+О буданмајаҹаг, тохаланмајаҹаг.
Ону кол-кос, алаг басаҹаг.+Булудлара әмр едәҹәјәм, ора јағыш төкмәјәҹәк.+
7 Ордулар Аллаһы Јеһованын үзүм бағы Исраил евидир,+Меһр салдығы мејнәлик Јәһуда халгыдыр.
О, әдаләт ҝөзләјирди,+Һагсызлыг ҝөрдү,Салеһлик ҝөзләјирди,Фәрјад ешитди».+
8 Еви евә гатанларын,+Тарланы тарлаја гатанларын+ вај һалына!Бир гарыш да јер галмајыб,Бу торпагда сиздән башга кимсә јашамыр.
9 Ордулар Аллаһы Јеһованын андыны ешитдим:Нечә-нечә имарәтләрБош галаҹаг,Виранәлијә чевриләҹәк.+
10 Он саһә* үзүм бағы ҹәми бир бат* үзүм верәҹәк.Бир һомер* тохум ҹәми бир ефа* мәһсул верәҹәк.+
11 Сәһәрин ҝөзү ачылмамыш ички далынҹа дүшәнләрин,+Ҝеҹәјәдәк шәраб ичиб гызышанларын вај һалына!
12 Мәҹлисләриндә чәнҝ, телли аләт,Гавал вә неј чалыныр, шәраб пајланыр.Лакин Јеһованын ишләринә фикир вермирләр,Әлләринин ишини ҝөрмүрләр.
13 Халгым Мәни танымадығына ҝөрә+Сүрҝүн едиләҹәк,Адлы-санлы адамлары аҹлыг чәкәҹәк,+Ҹамаат сусузлугдан јанаҹаг.
14 Буна ҝөрә Мәзар* ҝенишләнди,Ағзыны тајбатај ачды.+Шәһәрин шан-шәрафәти*, сәс-күјлү әһалиси, кеф мәҹлисләриОраја енәҹәк.
15 Бәни-адәм јерә дөшәнәҹәк,Бәни-инсан диз чөкәҹәк,Мәғрур ҝөзләр јерә дикиләҹәк.
16 Ордулар Аллаһы Јеһова һагг-әдаләтилә уҹалаҹаг,Аллаһ, мүгәддәс Олан+ әдаләти+ илә мүгәддәслијини уҹалдаҹаг.
17 Онларын отлагларында гузулар отлајаҹаг,Бир вахтлар көк һејванларын мәскәни олан виранәликдә јаделлиләр јејиб-ичәҹәк.
18 Ҹинајәтини јалан ипләри илә дартанларын,Ҝүнаһыны арабатәк чәкәнләрин вај һалына!
19 Онлар дејирләр: «Гој тәләссин,Ишини сүрәтләндирсин, биз дә ҝөрәк.
Гој Исраилин Мүгәддәсинин нијјәти ҝерчәкләшсин,Биз дә биләк!»+
20 Писә јахшы, јахшыја пис дејәнләрин,+Зүлмәтә нур, нура зүлмәт дејәнләрин,Аҹыја ширин, ширинә аҹы дејәнләрин вај һалына!
21 Өз ҝөзүндә һикмәтли оланларын,Өз ҝөзүндә ағыллы оланларын вај һалына!+
22 Шәраб ичмәкдә пәрҝар оланларын,Ичкини ичкијә гатмагда уста оланларын вај һалына!+
23 Шәр адама рүшвәтлә һагг газандыранларын,+Салеһдән һагг-әдаләти әсирҝәјәнләрин вај һалына!+
24 Буна ҝөрә алов гуру оту,Алов дилләри саманы уддуғу кими,Онларын да көкү еләҹә чүрүјәҹәк.Чичәкләри тоз кими һаваја соврулаҹаг.Чүнки ордулар Аллаһы Јеһованын ганунуну* рәдд етдиләр,Исраилин Мүгәддәсинин сөзүнә һөрмәтсизлик етдиләр.+
25 Буна ҝөрә Јеһова халгына бәрк гәзәблидир,Әлини галдырыб ону вураҹаг.+
Дағлар тир-тир титрәјәҹәк,Ҹәсәдләр зибил кими күчәнин ортасында галаҹаг.+
Јенә дә Онун гәзәби сојумур,Јенә дә әлини ашағы салмыр.
26 О, узаглардакы халг үчүн нишан гојду,+Дүнјанын уҹгарларында јашајанлары фит чалыб сәсләди.+Будур! Онлар гача-гача ҝәлир.+
27 Онлар јорғун дејил, ајаглары долашмыр,
Һеч бири мүрҝүләмир, јатмыр.
Белләриндә кәмәрләри бошалмајыб,Сәндәлләринин бағы гырылмајыб.
28 Бүтүн охлары итидир,Бүтүн јајлары дартылыб.
Атларынын дырнаглары чахмагдашы кими,Арабаларынын тәкәрләри јел кимидир.+
29 Онларын нәрәси аслан нәрәсинә,Ҝәнҹ асланын нәрәсинә бәнзәјир.+
Нәрә чәкиб шикарыны гапаҹаг,Сүрүјүб апараҹаг, кимсә әлиндән алмајаҹаг.
30 О ҝүн онлар шикарынҮстүндә дәниз кими нәрилдәјәҹәкләр.+
Бу мәмләкәтә бахан мүдһиш зүлмәт ҝөрәҹәк.Булудлар ишығы гаранлыға дөндәрәҹәк.+
Һашијәләр
^ Тәх. 4 һектар.
^ Бат 22 л-ә бәрабәрдир. Б14 әлавәсинә бах.
^ Һомер 220 литрлик габын тутумуна бәрабәрдир. Б14 әлавәсинә бах.
^ Ефа 22 литрлик габын тутумуна бәрабәрдир. Б14 әлавәсинә бах.
^ Јахуд әсилзадәләри.
^ Јахуд нәсиһәтини.
