Әшија 59:1—21
59 Јеһованын әли зәиф дејил ки, хилас едә билмәсин,+Гулағы тутулмајыб ки, ешидә билмәсин.+
2 Өз тәгсирләриниз сизи Аллаһыныздан ајырды.+
Ҝүнаһларыныз уҹбатындан О, сиздән үз дөндәрди,Сизи ешитмәк истәмир.+
3 Әлләриниз ган ичиндәдир,+Бармагларыныз ҝүнаһа булашыб.
Додагларыныздан јалан јағыр,+ дилиниздән пислик төкүлүр.
4 Салеһлији чағыран јохдур,+Доғру нијјәтлә мәһкәмәјә ҝедән јохдур.
Онлар бош шејләрә бел бағлајыр,+ мәнасыз сөзләр данышырлар.
Зијана һамилә галыб зәрәр доғурлар.+
5 Онлар зәһәрли иланын јумурталары үстүндә күрт отурур,Һөрүмчәк тору һөрүрләр.+
Јумурталарыны ким јесә өләр,Сынан јумуртадан ҝүрзә чыхар.
6 Онларын һөрдүјү тордан палтар чыхмаз,Дүзәлтдикләринә бүрүнә билмәзләр.+
Әмәлләри зәрәрдир,Әлләриндә зоракылыг тутублар.+
7 Ајаглары шәр далынҹа гачыр,Ҝүнаһсыз ган төкмәјә тәләсирләр.+
Ағылларында анҹаг пислик тутублар,Јолларында анҹаг виранчылыг, дәрд-бәла вар.+
8 Сүлһ јолуну танымырлар,Ҹығырларында әдаләт јохдур.+
Јолларыны әјирләр.Бу јолларла ҝедән сүлһ тапмајаҹаг.+
9 Одур ки, әдаләт биздән ҝен ҝәзир,Салеһлик бизә јахын ҝәлмир.
Һеј ишыг ҝөзләјирик, амма һәр јан гаранлыгдыр.Ајдынлыг ҝөзләјирик, амма зүлмәтдә јеријирик.+
10 Кор кими, дивардан тута-тута ҝәзирик,Ҝөзү ҝөрмәјәнләр кими, әллә јохлаја-јохлаја ҝәзирик.+
Ҝүнүн ҝүнорта чағы бүдрәјирик, санки, гаранлыг ҝеҹәдир.Гүввәтлиләр арасында өлү кимијик.
11 Һамымыз ајы кими бөјүрүрүк,Ҝөјәрчинтәк гәмли-гәмли инләјирик.
Әдаләт ҝөзләјирик, лакин ҝөрмүрүк,Ниҹат ҝөзләјирик, лакин биздән ҝен дуруб.
12 Сәнин гаршында аси әмәлимиз чохдур,+Һәр ҝүнаһымыз әлејһимизә шәһадәт едир.+
Асилијимиз үстүмүздәдир,Тәгсирләримизи јахшы билирик.+
13 Биз аси олуб Јеһованы инкар етдик,Аллаһымыза арха чевирдик.
Зүлм етмәкдән, үсјандан данышырдыг.+Фитнә гуруб, үрәјимиздән јалан сөзләр чыхарырдыг.+
14 Әдаләт ҝери чәкилиб,+Салеһлик узагда дуруб.+Һагг мејданда бүдрәјир,Доғрулуг ора ҝирә билмир.
15 Һәгигәт* гејб олуб,+Пис әмәлләрдән әл чәкәни сојурлар.
Јеһова буну ҝөрдү, чох наразы олду,Чүнки һагг-әдаләт тапмады.+
16 О ҝөрдү ки, бир көмәк едән јохдур,Һејрәтә ҝәлди ки, бир гаһмар чыхан јохдур,Буна ҝөрә, Өз голу ниҹат ҝәтирди,Әдаләти дә тәрәфиндә дурду.
17 Сонра О, әдаләти зиреһтәк ҝејди,Ниҹат дәбилгәсини башына гојду,+
Гисас либасыны әјнинә тахды,+Гејрәти әбатәк әјнинә бүрүдү.
18 О, онлара әмәлләринин әвәзини верәҹәк,+
Јағыларына гәзәблә, дүшмәнләринә гисасла әвәзини верәҹәк.+
Адаларын да һаггыны верәҹәк.
19 Ҝүнбатанда Јеһованын адындан,Ҝүндоғанда әзәмәтиндән горхаҹаглар.Чүнки О, ҝур-ҝур ахан,Јеһованын руһу илә ахан чај кими ҝәләҹәк.
20 Јеһова бәјан едир: «Сиона,Јагубун ичиндә асиликдән дөнән кәсләрин јанына Гуртарыҹы+ ҝәләҹәк».+
21 Јеһова дејир: «Онларла бағладығым әһд будур.+ Үзәриндә олан руһум, дилинә гојдуғум сөзләр сәнин, ушагларынын, нәвәләринин дилиндән ҝөтүрүлмәјәҹәк. Индидән сонсузадәк», — дејир Јеһова.
Һашијәләр
^ Јахуд дүрүстлүк.
