Әшија 62:1—12
-
Сионун јени ады (1—12)
62 Доғрулуғу шәфәгтәк парламајынҹа,+Ниҹаты мәшәлтәк јанмајынҹа+Мән Сион наминә сусмајаҹағам,+Јерусәлим наминә сакит дурмајаҹағам.
2 «Еј гадын,+ халглар доғрулуғуну,Һөкмдарлар ҹалалыны ҝөрәҹәк.+
Сәни јени адла,Јеһованын дилиндән чыхан адла чағыраҹаглар.+
3 Сән Јеһованын әлиндә ҝөзәллик таҹы,Аллаһынын овҹунда падшаһ чалмасы олаҹагсан.
4 Даһа сәнә атылмыш гадын,+Өлкәнә сакинсиз дејилмәјәҹәк.+
Әксинә, сәнә “фәрәһим”,+Өлкәнә “әрли гадын” дејиләҹәк.
Чүнки сән Јеһованын фәрәһи олаҹагсан,Өлкән әрли гадын кими олаҹаг.
5 Ҹаван оғлан бакирә гызла евләндији кими,Оғулларын да сәнинлә никаһ гураҹаг.
Тәзәбәј ҝәлинә бахыб севиндији кими,Сәнин Аллаһын да сәнә бахыб севинәҹәк.+
6 Еј Јерусәлим, диварларынын үстүнә ҝөзәтчи гојмушам.
Гој онлар ҝеҹә-ҝүндүз сусмасын.
Еј Јеһованын адыны чағыранлар,Дурмајын!
7 О, Јерусәлими бәргәрар етмәјинҹә,Ону дүнјанын шаны етмәјинҹә Ондан әл чәкмәјин».+
8 Јеһова сағ әлини, гүдрәтли голуну галдырыб анд ичди:
«Даһа сәнин тахылыны дүшмәнләрә вермәјәҹәјәм,Зәһмәтлә чәкдијин шәрабы јадлар ичмәјәҹәк.+
9 Тахылы јыған јејәҹәк, Јеһоваја шүкүр едәҹәк;Шәраб чәкән шәрабы мүгәддәс һәјәтимдә ичәҹәк».+
10 Кечин дарвазалардан, кечин!
Халг үчүн јолу тәмизләјин,+
Дүзәлдин баш јолу, дүзәлдин!
Дашлардан тәмизләјин.+
Халглар үчүн нишан гојун.+
11 Бах! Јеһова дүнјанын нәһајәтләринә бәјан етди:
«Сион гызына дејин,“Будур, ниҹатын ҝәлир.+
Будур, Онун верәҹәји мүкафат јанындадыр,Өдәјәҹәји музд өнүндәдир”».+
12 Онлара мүгәддәс халг, Јеһованын гуртардығы халг дејиләҹәк,+Сән «истәкли», «атылмамыш шәһәр» адланаҹагсан.+