1 Ишмуил 21:1—15
21 Давуд Нуба, каһин Әхимәликин јанына ҝәлди.+ Әхимәлик Давуду ҝөрәндә горхудан әсди: «Нијә тәксән, нијә јанында һеч ким јохдур?» — дејә сорушду.+
2 Давуд каһин Әхимәликә ҹаваб верди: «Падшаһ мәни бир иш далынҹа ҝөндәриб, амма тапшырыб ки, нә бу иш һагда, нә дә вердији ҝөстәриш барәдә һеч ким билмәсин. Буна ҝөрә адамларымла данышмышыг ки, филан јердә топлашаг.
3 Јанында беш көмбә чөрәк, јахуд башга бир шеј варса, мәнә вер».
4 Каһин Давуда деди: «Әлимдә ади чөрәк јохдур, тәкҹә мүгәддәс чөрәк вар.+ Әҝәр адамларын гадынла јахынлыг етмәјибләрсә, онлары верә биләрәм».+
5 Давуд ҹаваб верди: «Әввәлки јүрүшләрдә олдуғу кими, инди дә гадына јахын ҝетмәмишик.+ Ади тапшырыг аланда адамларым өзләрини пак сахлајырларса, сөзсүз ки, бу ҝүн дә пак олаҹаглар».
6 Каһин мүгәддәс чөрәкләри она верди,+ чүнки орада һүзур чөрәкләриндән башга чөрәк јох иди. Бу чөрәкләр Јеһованын һүзурундан ҝөтүрүлмүш вә һәмин ҝүн тәзәләри илә әвәз олунмушду.
7 О ҝүн Талутун нөкәрләриндән бири орада иди, Јеһованын һүзурунда галмышды. Бу адам Талутун баш чобаны, әдуми+ Дуәг+ иди.
8 Давуд Әхимәликә деди: «Сиздә низәдән, гылынҹдан нә вар? Падшаһын тапшырығы тәҹили олдуғундан өзүмлә нә гылынҹ, нә дә башга бир јараг ҝөтүрмәмишәм».
9 Каһин деди: «Илаһ дәрәсиндә+ өлдүрдүјүн филиштли Ҹалутун гылынҹы+ бурададыр, дөшлүјүн+ архасында парчаја бүкүлү гојулуб. Ҝөтүрмәк истәјирсәнсә, ҝөтүр, ондан башга һеч нә јохдур». Давуд деди: «Онун тајы јохдур, ону мәнә вер».
10 Давуд о ҝүн чыхыб ҝетди вә Талутдан гачды.+ Сонда Ҹат падшаһы Ахышын јанына ҝәлди.+
11 Ахышын әјанлары дедиләр: «Бу, о өлкәнин падшаһы Давуд дејил? Мәҝәр адамлар рәгс едәрәк онун үчүн охумурдулар:“Талут гырды минләри,Давудса он минләри”?»+
12 Давуд бу сөзләри үрәјинә салыб Ҹат падшаһы Ахышдан бәрк горхду.+
13 Онларын габағында өзүнү дәлилијә вуруб,+ сәрсәмләмәјә башлады. Дарвазанын тајлары үстүндә шәкилләр чәкди, ағзынын сујуну саггалына ахытды.
14 Ахыш әјанларына деди: «Ҝөрмүрсүнүз, бу дәлидир? Нә үчүн ону јаныма ҝәтирмисиниз?
15 Дәлиләрим аздыр ки, буну да гаршымда дәлилик етмәјә ҝәтирмисиниз? Бу ҹүр адамын мәним евимдә нә иши вар?»
