1 Ишмуил 29:1—11
-
Филиштлиләр Давуда етибар етмир (1—11)
29 Филиштлиләр+ бүтүн гошунларыны Әфигдә топладылар. Исраиллиләр исә Јизраилдәки+ булағын јанында ордуҝаһ гурдулар.
2 Филишт һакимләри јүз вә мин нәфәрлик алајларла ирәлиләјирди. Давуд вә дәстәси Ахышла бирликдә архада ҝедирди.+
3 Филишт һакимләри дедиләр: «Ибраниләрин бурада нә иши вар?» Ахыш онлара ҹаваб верди: «Бу, Исраилин падшаһы Талутун гулу Давуддур. О, бир илдән чохдур ки, јанымдадыр.+ Јаныма ҝәлдији ҝүндән бәри онда бир гәбаһәт тапмамышам».
4 Лакин Филишт һакимләри она һирсләниб дедиләр: «Ону ҝери ҝөндәр, гој гајыдыб она вердијин јерә ҝетсин.+ Бизимлә дөјүшә ҝетмәсин, јохса дөјүш вахты бизә гаршы чыхар.+ Ағасынын рәғбәтини газанмагдан өтрү онун үчүн адамларымызын башындан јахшы нә ола биләр?
5 Мәҝәр ҹамаат бу Давуд үчүн рәгс едиб охумурду:
“Талут гырды минләри,Давудса он минләри”?»+
6 Онда Ахыш+ Давуду чағырыб деди: «Јеһоваја анд олсун ки, сән дүз адамсан. Ордумла јүрүшә чыхмағын мәнә хошдур,+ чүнки јаныма ҝәлдијин ҝүндән бәри сәндә бир гәбаһәт тапмамышам.+ Лакин һакимләр сәнә етибар етмир.+
7 Сағ-саламат ҝери дөн, Филишт һакимләрини гыҹыгландырма».
8 Давуд Ахыша деди: «Ахы мән нә етмишәм? Јанына ҝәлдијим ҝүндән бәри бу гулунда нә сәһв тапмысан? Еј һөкмдар, нәјә ҝөрә сәнинлә бирҝә ҝедиб дүшмәнләринлә вурушмајым?»
9 Ахыш Давуда ҹаваб верди: «Сән мәним үчүн Аллаһын мәләји кимисән.+ Лакин Филишт һакимләри дејир ки, сән бизимлә дөјүшә ҝетмәјәсән.
10 Сүбһдән галх, ҝүн доған кими дәстәнлә, падшаһынын гуллары илә бурадан ҝет».
11 Давуд адамлары илә бирҝә ертәдән дуруб филиштлиләрин мәмләкәтинә гајытды. Филиштлиләр исә Јизраилә+ ҝетдиләр.
